Cond zij alle(n) liede(n) dat gord storre sone wile(n) jans in p(rese)ncia/ heeft genomen ende bekint dat hij genome(n) heeft va(n) jonch(e)r librechte/ va(n) meldert thoff te moriarsart de(n) selve(n) jonch(er) libr(echte) toebehoiren(de)/ met alle(n) de(n) toebehoirte(n) gelijc dat belege(n) es te monstir sur/ tilh(ou) en(de) jan mahault dat voirtijts in pechtinge(n) gehoude(n) heeft/ Te houde(n) te hebben en(de) te wy(n)nen va(n) halfmeye lestlede(n) eene(n)/ t(er)mijn va(n) xii jare(n) lang v(er)volgende Elcx jaers dare(n)binne(n) om/ xv mudde rox en(de) xv mudde even(en) yegelijcx grains goet en(de)/ payabel d(er) mate(n) van loeven(en) alle jare tsinte andriesmisse apostels te/ betalen en(de) te wave(r) oft alsoe v(er)re te levere(n) quol(ibet) ass(ecutu)[m] It(em) es/ vurwerde dat de voirs(creven) p(ar)tien oft hen gelieft te halve(n) tide(n)/ moeghe(n) scheyde(n) bij also dat de ghene die also scheyde(n) wilt/ dat de(n) ande(re)n een half jaer te voire(n) segge(n) sal It(em) sal de/ wy(n)ne alle jare m(ijn) jonch(e)r houde(n) en(de) vuede(n) vi verkene(n) [ii voelen(en) en(de) vi hore(n) veede] mette(n)/ zijne als m(ijn) jo(n)cher he(n) die levert It(em) sal de wy(n)ne alle/ jae(r) saye(n) ii halst(er) lijnsaets op dat m(ijn) jonch(er) he(n) [tsaet] levert sond(er)/ meer in tslite(n) oft reepe(n) oft and(er)sins d(aer) in gehoude(n) te zijne/ It(em) sal de wy(n)ne de huysinge houde(n) vand(er) underster rikele(n)/ nederweert in goede state en(de) sal alle jare int voirs(creven) hoff/ leve(re)n iiii[c] walme(re)n om de huysinge mede te decke(n) en(de) alsme(n)/ d(aer) dect oft plect sal de wy(n)ne de wercliede(n) de(n) mo(n)tcost/ gheve(n) en(de) m(ijn) jonch(e)r sal de dachueren betale(n) en(de) wesme(n) d(aer) maect/ va(n) nuwe(n) wercke d(aer) en sal de wy(n)ne niet in gehouden/ zijn It(em) sal de wy(n)ne de goede en(de) lande houde(n) wel en(de)/ loflijc zijne(n) t(er)mijn dueren(de) en(de) die wy(n)ne w(er)ve(n) en(de) meste(n)/ gelijc reengenote(n) bove(n) en(de) benede(n) [en(de) die late(n) also hijse vant] en(de) hij sal jaerlijcx bi(n)ne(n)/ de(n) hove voirs(creven) houde(n) ii[c] scape die hij houde(n) en(de) meste(n)/ sal wel en(de) loflijc en(de) dmest d(aer) af vuere(n) op dlant voirs(creven)/ also wel te(n) v(er)sten als te(n) naeste(n) tslants meeste(n) p(ro)fite/ It(em) is vorwerde dat de voirs(creven) wy(n)ne gheen beeste(n) uutgesceyde(n)/ zijn p(er)de en sal houde(n) noch late(n) gaen inde bossche voir dat/ de sprute(n) drie jae(r) oudt zijn en(de) vand(er) liede p(er)de dieme(n) op de/ bossche sal late(n) gaen sele(n) m(ijn) jonch(er) en(de) wy(n)ne des d(aer) af comen
//
sal half en(de) half hebbe(n) It(em) is vorwerde oftme(n) bevonde(n) te(n)/ uutgave vande(n) t(er)mijne dat de voirs(creven) goede bet(er) ware(n) ende bat/ gehoude(n) dan zij ware(n) te(n) incomen(en) dat m(ijn) jonch(er) he(m) dat/ oprichte(n) sal en(de) oft zij arg(er) ware(n) dat hij m(ijn) jonch(er) d(aer) af v(er)nuege(n)/ sal moete(n) It(em) sal de wy(n)ne alle jae(re) sijn berringe moege(n)/ houde(n) opde voirs(creven) goede ter mynster schade(n) en(de) oft d(aer) e(n)nige/ boeme v(er)droechde(n) die sal de wy(n)ne moege(n) uutroede(n) bi en(de)/ te he(m)w(er)t trecke(n) tot zijnre berringe(n) behoef bij also dat hij voe(r)/ elke va(n) dien sette(n) sal ii levende pote(n) vanden selve(n) aerde/ in(de) su(n)t fideiussores ioh(ann)es et henr(icus) eius f(ilius) p(ri)us ema(ncipa)[t(us)] et p(rim)[(us)]/ lynt(re) m(ers)b(er)ge no(vem)[br(is)] xxvii