Tvo(n)nis vanden gedinghe dat voe(r) meye(r) en(de) scepen(en) van/ loven(en) geweest is tusschen woute(re)n vand(er) greght die/ naden rechte der stat van loven(en) geleit is totten goeden/ henricx ph(ilip)s van sinte ermelen vissenake in deen zijde ende/ jorijs fort in dande(r) Alse van seke(re)n grontchijse die de/ vors(creven) jorijs yesch op seke(r) goede den vors(creven) henr(icke) ph(ilip)s toebehoe(re)nde/ te vissenake voirs(creven) gelegen dair [op] de selve jorijs noch een/ half mudde cor(ens) erfpachts heffen(de) is ende daer op de/ vors(creven) joris voer gebrec van zijnen [den voirs(creven)] grontchijse trecht in/ zijnen hof gevordert hadde en(de) ter ande(r) zijden meynde de/ vors(creven) geleide dat de vors(creven) goede hoofden ond(er) den hof des/ abts van tongerloe in zijnen hof te vissenake voirs(creven)/ en(de) meynde daer bij dat de vors(creven) jorijs met zijnd(er) vorderi(n)ge(n)/ wae(re) v(er)doolt Wert gewijst met desen worden nae aensp(ra)ke/ v(er)antwerden en(de) thonissen van beyden p(ar)tien dat de he(re)n/ scepen(en) van loven(en) setten met hue(re)n vo(n)nisse beyde de p(ar)tien/ inden hof dair die goede hoven recht te gheve(n) en(de)/ te nemen cor(am) o(mn)ib(us) scab(inis) dempto jasp(ar) abs(oloens) no(vembris) xxix xxvii