Item jan en(de) vranc gordyen gebruede(re)n kynde(re) jans gordyen van/ hockesele in yegewordicheiden vanden burg(er)meester scepen(en) ende/ raide gestaen der stat van loven(e) gestaen hebben geloeft ende/ toegeseeght dat de eerweerdige vrouwe gertruyt uuten/ lyemi(n)ghen vrou des godshuys vand(er) banck noch niemant and(er)s/ van des selfs godshuys wegen bijden selven janne gordyen hue(re)n/ vader noch niemant anders van hue(re)n weghen van alle tghene/ des de selve vrou oft tvoirs(creven) godshuys metten selven ja(n)ne/ den vader totten daghe van heden e(n)nichsins uutstaende/ mach hebben gehadt nergerens gemoyet aen[ge]sproken noch/ belast en zal [wordden] in p(er)sonen noch goeden dan voe(r) trecht/ te loven(e) so voer den raide vand(er) stat oft voe(r) meye(r) ende/ scepen(en) van loven(e) ende dat om zeke(r) worden die zij/ spraken in p(rese)ncien vanden raide [de selve vrou eld(er) te moyen] nochtan dat tgescille tusschen/ vors(creven) godshuys en(de) janne de vader uutstonde spruyten(de) quam/ uut scepen(en) brieve(n) van loven(e) en(de) dat tvoirs(creven) godshuys steet/ inde protexie en(de) momborie vand(en) stat willecorende oft/ de (con)trarie geschiede datmen dat aen hue(r) lijff en(de) goede/ v(er)halen soude mogen Tot desen geloefde de vors(creven) jan/ de sone te bete(re)n ter t(er)mijnacien vand(er) stat de v(er)cortinghen/ vanden ombehoerliken worden [vors(creven)] die hij alsdoen in p(rese)ntien vand(en)/ raide gesproken hadde p(rese)ntib(us) kersmake(re) burg(imagistr)[o] roel(ants) absoloens/ lynt(re) m(er)sberge scab(inis) lov(aniensibus) et plurib(us) aliis decembr(is) x iiii