Item her jan van hugaerden prieste(r) in deen zijde en(de) goert hanckart in/ dande(r) die beleit sijn naden rechte der stat va(n) loven(en) totten goeden/ jans van halle in p(rese)ncia hebben malcande(re)n geloeft te weten(e) de vors(creven)/ her jan tot des(er) renu(n)cie(re)nde (et)c(etera) dat sij metten scepen(en) brieven te/ hulpen en(de) te baten comen sullen naden rechte dat elc van hen gecrige(n)/ sal tghene tg des de selve jan van halle hen wettelic sculdich/ is ende daer zullen sij deen den ande(re)n hant en(de) mont toe leenen/ sond(er) ande(re)n last cost oft v(er)leggen deen om dand(er)s schout te gecrige(n)/ te moeten hebben dan alleene dat de vors(creven) goort de sake vand(en)/ vors(creven) meester janne en(de) van hem veerbeyden sal buyten der/ stat ofs te doene is en(de) de costen sullen zij ten eynde uut beyde/ v(er)leggen Behoudelic dat de vors(creven) h(er) jan vanden yersten/ en(de) gereetsten goeden diemen crigen sal gecuelt sal wordden/ volcomentlic also v(er)re men bevynden sal dat hij ingebreke/ is eer de vors(creven) goert yet tot sijnd(er) schout behoef sal/ mogen trecken cor(am) roelants lynt(re) ja(nuarii) xix