Item also voe(r) den raide vand(er) stat comen sijn reyne(r) de coninc/ als man en(de) momboe(r) yden bo(m)mels sijns wijfs weduwe/ willems wilen lyeminc in deen zijde en(de) wout(er) vander mole(n)/ inden name en(de) va(n) wegen yden vand(er) molen zijnd(er) moyen/ de welke hij op hem in desen heeft genome(n) en(de) geloeft/ te v(er)vangen in dande(r) alse vande(n) goeden gelooft bijd(er)/ vors(creven) yden den voirs(creven) wille(m)me lyemi(n)ck hue(re)n natuerliken/ sone metter vors(creven) yden bo(m)mels en(de) de waerheit des/ vors(creven) reyners Te weten henric crabbe en(de) larijs bo(m)mels/ oppembaerlic gedragen en(de) gheclaert heeft [hebben] dat zij ov(er)/ tractaet vande(n) vors(creven) huwelic wae(re)n en(de) dat de vors(creven)
//
yde vand(er) molen der vors(creven) yden bo(m)mels mette(n) vors(creven) wille(m)me/ lyemi(n)c in huweliker vorwerden gaf en(de) geloefde aen/ en(de) op alle hue(r) goede hondert vrancrijcxsche cronen en(de)/ dan den selven huwelic dair op toeghinc Es ten/ uut(er)sten bijden raide vand(er) stat va(n) lov(en) dair af uutge/ sproken voer recht dat der selver yden bo(m)mels de/ vors(creven) hond(er)t cronen aend(en) vors(creven) yden vand(er) molen/ goede als huwelike goede volghen sullen act(um)/ in pleno (con)silio ja(nuarii) xxiii