Tvo(n)nisse vande(n) gedinge dat voir meye(r) en(de) scepen(en) va(n) loeven(en) geweest/ es tussce(n) giel(ise) damoiseal die geleit es tot de(n) goede(n) ja(n)s ha(n)narde/ in deen zijde en(de) jan de p(ri)ke(re) en(de) jouffr(ouw) ka(tlij)[ne] weduwe henr(ix) wile(n)/ vande(n) berghe in dande(r) als van den huyse en(de) hove met alle(n) zijnre/ toebehoirten voir en(de) acht(er) gelege(n) inde dorpstrate dair de voirs(creven) wile(n)/ pet(er) inne starf in dande(r) Dwelc de voirs(creven) giel(ise) aensprac seggen(de)/ dat jan wilen de ridde(re) en(de) jouffr(ouw) mag(rie)te wile(n) va(n) le(n)neke zijn/ huysvrouwe dit huys in huerre levend(er) tijt hielde(n) en(de) besaten als/ hue(r) wettich erve en(de) dair uut storve(n) als uut hare(n) wettige(n) erve/ en(de) hebbe(n) dat bij hue(re)n testa(men)[te] en(de) ut(er)sten wille gelaten en(de) d(aer) af/ versien des voirs(creven) jans ha(n)narts huysvrouwe hue(r) wettige docht(er)
//
gelijc instrume(n)te d(aer) op gemaect dat volcomel(ic) beg(re)pen uut den/ welken hij hoopte en(de) meynde dat hem en(de) zijne(n) beleyde de voirs(creven)/ goede volge(n) soude(n) en(de) sculdich ware(n) te volge(n) oft dat hij metten voirs(creven)/ testame(n)te hier af gaen soude t(er) plaetsen dair de voirs(creven) testame(n)te/ behoire(n) Op dwelc de voirs(creven) jan de p(ry)ke(re) en(de) de weduwe/ des voirs(creven) henr(ick) wile(n) vande(n) berghe hen v(er)antw(er)dende/ dede(n) seggen dat zij hoopte(n) en(de) meynde(n) dat hen noch huere(n)/ scepen(en) brieve(n) die voirs(creven) aensprake gheen onstade doen en soude/ aende(n) gront d(er) voirs(creven) goede Wa(n)t de voirs(creven) wile(n) pet(er) vande(n)/ berghe hadde de voirs(creven) goede v(er)crege(n) en(de) was d(aer) inne gegoet/ bij wilen gorde de cock die tot de(n) goede(n) des voirs(creven) wilen jans/ de ridde(re) beleit was seggende al was tselve beleit dair/ die goedi(n)ge alsoe gedaen werdt gesciet na de doot vanden/ voirs(creven) wile(n) jan de ridde(re) So ware(n) nochta(n) de pe(n)ni(n)ge die/ vande(n) voirs(creven) goede(n) gegeve(n) werde(n) bekeert inde wettige sculde(n)/ des voirs(creven) wile(n) jans de ridde(re) met meer woorde(n) d(aer) toe geseecht/ So w(er)t hier op te(n) ut(er)sten bij de(n) he(re)n scepen(en) van loeven(en) gewijst/ t(er) manissen smeyers na aensprake en(de) v(er)antw(er)de(n) va(n) beyde(n) p(ar)tien/ datme(n) de voirs(creven) geleydde vande(n) voirs(creven) goede(n) houde(n) soude in/ hue(re)n beleyde en(de) hadde(n) de wed(er)p(ar)tie(n) yet te volge(n) met/ testame(n)te dat zij d(aer) af volchde(n) ter plaetse(n) dair die/ behoirden p(rese)nt(ibus) o(mn)ib(us) scab(inis) febr(uarii) xiiii