It(em) also voir meye(r) en(de) scepen(en) va(n) loeven(en) te rechte come(n) zijn/ m(er)ten de clerc alse gel(eit) tot de(n) goede(n) jans wile(n) godhebsdeel/ in deen zijde en(de) jan paridaen die met oudere(n) scepen(en) br(ieve) va(n) loeven(en)
//
en(de) oec va(n) bruessel geleit es en(de) come(n) tot de(n) goede(n) des selfs/ wile(n) jans in dandere aldair de voirs(creven) m(er)ten des voirs(creven) paridaen/ aensprac seggende dat de voirs(creven) paridaen he(m) ov(er)geve(n) soude/ de voirs(creven) scepen(en) brieve oft die bringe(n) in hande(n) vander stad/ om die aldair te bliven sond(er) mette(n) selve(n) de(n) voirs(creven) m(er)ten/ aen zijn wettige schult d(aer) voe(r) hij geleit ware beledt te/ doene voird(er) dan de t(er)minacie tussce(n) de(n) voirs(creven) ja(n)ne paridaen/ en(de) wile(n) ja(n)ne godhebsdeel geloepe(n) en(de) geregistreert/ staende aug(usti) xi a(nn)[o] lii in des(er) camere(n) begrepe(n) hadde/ de welke de voirs(creven) merte(n) p(rese)nteerde te voldoene eve(n) v(er)re/ de voirs(creven) paridaen dade van gelike(n) Daer jege(n) de voirs(creven)/ paridaen meynde dat hij vande(n) voirs(creven) brieve(n) niet scheyde(n) en/ soude de voirs(creven) m(er)ten en soude he(m) tyerst betale(n) de/ so(m)me va(n) xxxviii rijd(er)s die de voirs(creven) jan godhebsdeel/ insdeels uut hanteringe(n) gesciet voir d(er) voirs(creven) t(er)mi(n)acie(n) en(de)/ insdeels na he(m) sculdich ware en(de) and(er)ssins losse(n) vande(n)/ poente(n) ind(er) t(er)mi(n)acie(n) begrepe(n) Op dwelc de voirs(creven) m(er)te(n)/ r(e)pliceerde als dat des voirs(creven) paridaens beleyde hem vand(er)/ schout d(aer) na gemaect niet te bate(n) en soude come(n) de selve/ m(er)ten en soude va(n) zijne(n) gebreke(n) yerst v(er)nuecht worden/ en(de) anders gaf de selve m(er)te(n) over des voirs(creven) paridaens/ beleyde va(n) loeven(en) en(de) va(n) bruessel te blive(n) in hande(n)/ vand(er) stad om oft hij vand(er) warandeerscap en(de) v(er)vane/ ind(er) voirs(creven) yerst(er) trac(ta)cie(n) geruert gebrec hadde d(aer) aen/ te moegen behulpen behoude(n) En(de) de scepen(en) dese/ questie ind(er) stad hande(n) hebbe(n) gesedt es te(n) ut(er)ste(n)/ get(er)mine(er)t dat de voirs(creven) m(er)te(n) en(de) jan paridaen malc/ andere(n) sele(n) voldoen de poente(n) vande(n) betalinge(n) en(de)/ bewijssenisse(n) ind(er) voirs(creven) t(er)minacie(n) begrepe(n) en(de) dar de/ voirs(creven) paridaen gehoude(n) sijn sal zijn voirs(creven) brieve/ te bringen in handen vand(er) stad sond(er) dat hij d(aer) mede/ sal moege(n) werke(n) dan alleene vand(er) wara(n)deerscap en(de)/ v(er)vane voirs(creven) ongelast te blive(n) en(de) vand(er) scout dat parida/ eistte va(n) hanteringe(n) na de t(er)mi(n)acie(n) gesciet sal hij staen/ op zijn beloep vande(n) lantrechte actu(m) in pleno (con)silio/ martii xx