Item jan hermans van vorst die naden rechte der stat van loven(en)/ beleit is tot allen den omberuerliken goeden gorts van barle/ so v(er)re die onder de banc van vorst gelegen zijn en(de) desgelix/ tot allen den beruerliken goeden des selfs gorts in deen/ zijde en(de) jan van baerle wettich sone des voirs(creven) gordts in/ dande(r) sijn met malcande(re)n overcomen en(de) eensworden voer/ hen hue(re)n erven en(de) nacomelingen van [en(de) geloeft te voldoen] des hier nae volght
//
yerst dat de vors(creven) her jan hermans mits dien dat hij den/ voirs(creven) gorde sijnen leefdach lanck bij hem houden sal wel en(de)/ temelijc na sijnen last [staet] en(de) doen alle sijn behoefte soe sal/ hij tot eeuwegen dagen behouden alle de beruerlike goede/ des selfs gorts die achter hem bliven zullen en(de) die hij/ opden dach van heden te hemweert heeft desgelicx/ alle de omberuerlike [goede] dair hij metten voirs(creven) beleide toe come(n)/ es sonder dat de vors(creven) jan van baerle dair toe e(n)nicht/ recht oft actie in nacomen(de) tijden sal hebben en(de) behouden/op also dat [en(de) mids dien sal] de vors(creven) jan herman van alle(n) den selven goede(n)/ den vors(creven) janne van baerle bynnen jaers na doode des/ vors(creven) gorts gheven en(de) betalen sal de so(m)me van hondert/ gulden(en) te thien stuv(er)s tstuc en(de) dat also v(er)re[behoudlic oft en also v(er)re en(de) dat also v(er)re] de selve gordt/ vanden dage van heden over drie jae(re)n vort aflivich/ wordde maer oft de selve gordt langer dan de vors(creven) drie/ jae(r) leefde het waer luttel oft veele in dien gevalle/ soude de vors(creven) jan h(er)man den vors(creven) janne van baerle betale(n)/ de so(m)me van lxxv guld(en) ten prijse al en(de) t(er)mijne als/ boven maer dair mede gestaen cor(am) roel(ants) vync ap(ri)lis/ iiii[ta]