Achtervolgende den voirs(creven) compromisse en(de) ten dage vors(creven) hebben/ de voirs(creven) segge(re)n hue(re) eendrechtighe uutsprake gedaan opde vors(creven)/ sake inder manie(re)n hier nae verclaert Yerst dat alle de omberuerlike/ goede vorg(eruert) inden compromisse begrepen den vors(creven) janne rousseal/ ombelet vanden vors(creve) gieliart volghen sullen en(de) alle brieve
//
dien aengaende sal de voirs(creven) gielis den voirs(creven) janne sculdich sijn/ ov(er)tegheven te sijnder eedt nader stat recht Ende dat de vors(creven)/ jan sijnder vors(creven) moeder hue(re) leefdach lanc met hem houden/ sal in sijnen rest wel en(de) temelijc en(de) hue(r) versien van alle/ huerd(er) behoeften na hue(re)n staet Vort es hue(re) uutsprake/ dat de vors(creven) gieliar ov(er)geven sal de vors(creven) janne alle de/ beruerlike goede die wae(re)n der vors(creven) oeden ten uut(er)sten/ te sijnd(er) eedt nad(er) stat recht en(de) vort gehouden sijn den/ vors(creven) janne van alle sijnen bewynde en(de) hueringen hanteringe(n)/ der goede oft pe(n)nyngen der vors(creven) oeden goede en(de) wettighe/ rekeni(n)ghe te doene Dair inne den selven gillarde passeren/ sullen alle alsulken uutgeven(en) als hij gedaen heeft in orber/ der selver oeden het zij aen exequie schoude oft and(er)s in/ redelich(eit) ten goetduncken van goeden mannen oft and(er)s vand(er)/ wet van dese stat bij also dat den selven giliarde in rekeni(n)ge(n)/ passeren zullen xii lichte gulden(en) alse voe(r) zijne(n) cost there/ en(de) arbeit die hij inder saken gedaen heeft Vort es hue(re)/ uutsprake dat de vors(creven) jan pierot na(tuer)lijc sone servaes/ wilen russeel sijns brueders bastart sone geven sal vi guld(en)/ peters als de selve bastart tot wettigen jae(re)n comen sal/ sijn en(de) getogen tot huwelike oft and(er)s tot scade bij alsoe/ oft hij hie(re)nbynnen aflivich wordde dat hij in dien gevalle/ vand(en) vors(creven) vi pet(er)s te betalen ongehouden sijn sal/ cor(am) eisd(em)