Item want sander van voschem gevo(n)nist heeft voe(r) meye(r) en(de) scepen(en) van/ loeven(e) zeke(r) scepen(en) brieven van loven(e) spreken(de) xxxi ryns guld(en) lijftochte(n)/ ten live des voirs(creven) sanders en(de) jouffr(ouwe) marie de diest natuerlike dochter/ he(re)n thomaes wilen hee(r) te diest en(de) van zichen(en) vallen(de) deen helicht/ te kersmesse en(de) dande(r) helicht te sint jans messe te betalen(e) aen en(de)/ op de thiende diemen heet de cleyn thiende van thiene(n) alsoe me(n)/ die houden(de) is vanden abt van sinte denijs in vrancrijke Item aen/ en(de) op thof datmen heet te ghenen lare metten huysen hoven/ wynnen(de) lande beempden eeuselen e(de) allen sijne toebehoerten alsoet/ gelegen is inde prochie van meerhout tusschen de goede der/ kynde(re)n jans wilen laermans en(de) ghisbrechs wilen vand(en) lare/ en(de) de goede jans claes en(de) henr(ix) luytgarden Item aen en(de) op een/ stuc erfs ond(er) lant en(de) eeusel houden(de) v boende(re)n luttel myn/ oft meer gelegen dair bij tusschen de goede d(er) kynde(re)n henr(ix) wilen/ vand(er) calste(re)n en(de) de strate gaende van meerhout te vorst weert/ Item aen en(de) op eene(n) beempt houden(de) twee boender luttel myn/ oft meer gelegen dair bij aen deepens broec naest den goeden/ der kynde(re)n vand(er) donct strecken(de) totter hoover heyden ende/ de vors(creven) sander woute(re)n helschevier voe(r) meye(r) en(de) scepen(en) van/ loven(e) gemechticht heeft om dexecucie van desen te vervoghen na/ dat hij yerst tvo(n)nisse na behoerlike manisse en(de) vo(n)nisse gehadt/ heeft So es de selve wouter met meye(r) en(de) scepen(en) van loven(e)/ getogen opde vors(creven) goede dair op niet te panden en was also/ dat mits gebreke van dien de vors(creven) goede den vors(creven) woute(re)n/ tot name en(de) behoef des vors(creven) sanders voe(r) sijn achterstel met/ cost en(de) co(m)mer dair op geloopen in handen gesedt is cor(am) witte/ m(er)sberghe junii xxiii