SAL7347, Akte: V°365.2 (594 van 748)
Zoek akte
Vorige | Volgende
Akte V°365.2  
Act
Datum: 1454-05-02

Transcriptie

2019-03-06 door Magda van Winkel
Item vander aenspraken die henric boelart gedaen heeft tot maese/
raes alse van xxv stuv(er)s die de selve maes die een vanden/
scatters was int jaer voerleden hem sculdich was also hij meynde/
en(de) geloeft hadde vand(er) huyshue(re)n peters shazen als de selve peter/
verent ewech track en(de) de voirs(creven) maes zijn have aenveerde/
dwelc de selve henric den vors(creven) mase gaff tot sijnd(er) eedt/
oft boet selve te thoenen houden Op dwelc de vors(creven) maes/
hem v(er)antweerden(de) meynde dat de voirs(creven) schout niet hoogher en/
gedroech dan xxii stuv(er)s en(de) die hadde hij met sijnen gesellen/
hem geloeft te gheven dair om hij sijn aendeel p(rese)nteerde hopen(de)/
dair mede te gestane Wert gewijst bijden he(re)n scepen(en) va(n) loven(en)/
ter manissen smeyers na aensprake en(de) v(er)antweerden van beyde/
den p(ar)tien dat de voirs(creven) maes ontschout doen zal int geheel/
op daensprake des vors(creven) henricx oft betalinge p(rese)ntib(us) jasp(ar) abs(oloens)/
vync lynte(re) m(er)sberge maii s(e)c(un)da
Nagekeken doorkristiaan magnus
Moderatorkristiaan magnus
Laatste update:: 2016-04-02 door kristiaan magnus