Tvo(n)nisse vanden gedinghe dat voe(r) meye(r) en(de) scepen(en) van loven(en) geweest is/ tusschen arnde noytens die naden rechte der stat van loven(en) geleit/ is totten goeden have en(de) erve jacops vrancx in deen zijde en(de) clause/ lodewijcx in dande(r) Alse van div(er)sen haefliken goeden die den voirs(creven)/ jacoppen bij testamente van m(ar)grieten wilen goloys gelaten ende/ ghemaect wae(re)n en(de) die de voirs(creven) claus hem voerhielt also hij seyde/ voer seke(re) montcost die hij meynde dat hem de voirs(creven) m(ar)griete sculdich/ was bleve(n) Dwelc de vors(creven) claus genoech kynde maer en meynde/ niet dat hij uuterlijc vander selver haven scheiden soude hij en/ soude v(er)nueght wordden van sijnen vors(creven) montcoste Vanden welke(n)/ de vors(creven) arnt hielt de (con)trarie en(de) meynde dat hij in sijne(n)/ scepen(en) brieve(n) nad(er) stat recht gehouden soude wordden Wert/ ghewijst met desen worden na aensp(ra)ke en(de) v(er)antweerden van/ beyde den p(ar)tien datmen den vors(creven) geleidden vanden voirs(creven) goede(n)/ houden soude in sijnen beleide also v(er)re alst noch voe(r) scepen(en)/ comen wae(r) en(de) hadde de voirs(creven) claus van montcoste yet te/ volghen dat hij dat dade met rechte p(rese)ntib(us) o(mn)ib(us) dempto/ witte maii xi