Naevolgen(de) den voirs(creven) (com)p(ro)misse zijn de voirs(creven) segge(re)n come(n) voir scepen(en)/ van loeven(e) hier nae genoempt en(de) hebbe(n) huer uutsp(ra)ke gedaen ind(er)/ manie(re)n h(ier) nae volgen(de) Inde(n) yerste(n) dat jan cleynvrancx de(n) voirs(creven)/ gebruede(re)n wed(er)kee(re)n en(de) betaele(n) sal viii rijd(er)s Te wete(n) de ii dair/ af tons(er) liev(er) vrouwe(n) dage nativitas drie d(aer)af te derthienmisse/ en(de) drie te paesschen altijt v(er)volgen(de) q(u)[o]lib(et) ass(ecutu)[m] It(em) sal de voirs(creven) jan soe/ vele doen dat de voirs(creven) gebruede(re) oft yema(n)t in hue(re)n name de(n) voirs(creven)/ lijftoch[t]br(ief) ov(er)hebbe(n) selen om d(aer) mede aen alle de voege(n) en(de) p(ri)ncipale/ uutgesceyde(n) den selve(n) ja(n)ne te v(er)eycken de helicht vand(en) selve(n) brieve/ en(de) sal oic de voirs(creven) jan hen ov(er)geve(n) te hue(re)r manissen alsulke(n) beleitbr(ief)/ als hij heeft opde goede wijlen huers vad(er) oft hen d(aer) uut guedinge/ en(de) vestich(eit) doen voer meye(r) en(de) scepen(en) van loeven(e) alsoe dat behoeve(n) sal/ moegen op hue(re)n cost Ite(m) selen de voirs(creven) gebruede(re) gehoud(en) zijn de(n) voirs(creven)/ ja(n)ne op zijne(n) cost behulp te doene dat hij gecrige zijn ploechrecht/ vande(n) selve(n) goeden die hij voermaels gewo(n)nen heeft en(de) geworve(n)/ witte lyntre maii xxvii