It(em) jouff(rouwe) alijt vande(n) steenwege weduwe henricx wile(n) de vilte(re)/ in deen zijde claes de vilte(re) hue(r) sone in dande(re) en(de) ghijsbrecht de/ vilte(re) insgelijcx hue(r) sone brued(er) des voirs(creven) claes inde derde zijde Sijn/ met malcanderen ov(er)comen voir hen hue(re)n erve(n) en(de) nacom(elingen)/ ende hebben deen den anderen in maniere(n) va(n) erfvorwerden/ gelooft de poente hier na v(er)claert alse vande(n) hove en(de) goeden/ gehete(n) ten cruce gelegen tusscen hasselt ende cueringe(n) wilen/ jans vande(n) steenwege dat d(er) voirs(creven) jouffr(ouwen) vande(n) selve(n) janne/ huere(n) brueder v(er)storven is Ierst dat de voirs(creven) jouff(rouwe) de selve/ goede huere(n) leefdach lang sal bliven houdende ende/ besittende inder manieren zij die nu houdt ende na de doot/ van hue(r) selen die geheelic ende al bliven ende toecomen/ den voirs(creven) clase huere(n) sone alleene op de laste die dair/ op den dach van heden uutgaen ende voirtane op de/ lasten hier na v(er)claert die de voirs(creven) claes ind(er) mate(n) als/ boven dair uut gelooft heeft te ghelden ende te draghen/ Te wete(n) den voirs(creven) ghijsbrechte na de doot zijnre voirs(creven) moed(er)/ binnen eene(n) jare te betalen ii[c] r(ijnsche) guld(en) oft dair voe(r)/ erflike rinte te geve(n) de(n) pe(n)ni(n)g twintich tot hij die af/ legge(n) sal Voirt sal hij geve(n) alsdan den wettige(n) kinderen/ willems va(n) dorne die hij heeft van jouff(rouwen) heylwigen/ wilen svilters zijnre huysvrouwen suster der voirs(creven) gebruede(re)n/ insgelijcx de gelike rinte tot hij die met geliker so(m)me(n) af/ geleecht sal hebben Tot desen sal hij alsdan oec geve(n) jouff(rouwen)/ marie(n) svilters nonne des godshuys van herkenrode sijnd(er)/ suster xxx guld(en) te x stuv(er)s tstuc jairlix tottertijt toe/ dat hij hue(r) die oic afgeleeght sal hebben den pe(n)ninc/ met xx en(de) met vollen renten Met sulcker (con)dicien dat
//
hij alle drie de vors(creven) porceelen van renten alst hem gelieft sal/ mogen elder crighen in gronde van erven ov(er)wisen oft besetten/ op goede lofflike ond(er)pande goetgenoech sijnde na ordinancien/ van wynders vanden hove ende dat oic de vors(creven) jouffr(ouwe)/ marie vanden vors(creven) hue(re)n renten na hue(r) doot sal mogen/ dsipone(re)n en(de) ordine(re)n aen hue(r) brued(er) suster oft bruede(r) en(de)/ suster kynde(re)n en(de) negheenen ande(re)n also hue(r) dat best gelieve(n)/ sal sonder yemans wed(er)seggen Ende oft de vors(creven) claus/ der vors(creven) jouffr(ouwen) marien hue(r) renten voirs(creven) afleide/ soe es oic ond(er)sproken dat die pe(n)ningen d(aer) af comen(de) gestelt/ sullen wordden opden wissel te hasselt o(m)me die wedero(m)me/ aengeleeght en(de) ind(er) vors(creven) manie(re)n bekeert te wordden En(de)/ soe v(er)re den vors(creven) ghijsbrechte des vors(creven) is volvuert wordt/ en(de) volschiet sal hij daer met te vreden zijn tot eeuwige(n)/ dagen sond(er) de vors(creven) goede uut ande(re)n titel het wa(r)e van/ huweliker vorweerden oft and(er)s te mogen aenspreken oft/ volgen in e(n)nig(er) manie(re)n Ten wa(r)e dat he(m) bove(n) desen/ bij lantrechte yet aenstorve dat hij dair af blijft staende/ op sijn beloep van rechte Vort hebben mits desen de/ vors(creven) claus en(de) ghijsbrecht gebruede(re) der vors(creven) jouffr(ouwen) marie(n)/ geloeft wael en(de) dueghdelic sond(er) e(n)nigen stoet oft/ zwarich(eit) te betalen elc van hen die vi guld(en) die sij/ hue(r) sculdich sijn van hue(re)r ouders goede hue(re)n leefdach/ lanc also inde scheidinge op des selfs wilen huers/ vad(er)s goede gemaect dat oic gheclaert is roel(ants)/ abs(oloens) maii xxviii