Na dien dat wout(er) datin in deen zijde roelof wisscart lijsbeth pans/ sijn wijf jan vande(n) hove de jonge en(de) jouffr(ouwe) ka(tlij)[ne] horekens zijn wijf/ in dande(r) achterlatende trigeur van rechte hen gekeert ende/ gesubmitteert hebben ten minlike(n) appointemente der he(re)n scepen(en) va(n)/ loeven(e) op en(de) va(n) alle(n) alsulke(n) gescillen als zij ov(er) lang hebbe(n) gehadt/ om der sceydinge(n) wille en(de) sgebruycx va(n) hue(re)n goede(n) aen een gelege(n)/ achter sinte pet(er)s kerke te loeven(e) en(de) des d(aer) aen cleeft So hebben/ de voirs(creven) scepen(en) yerst wale gevisenteert de gelegenth(eit) vande(n) voirs(creven)/ goeden ende tot dien aengehoirt alle tgene dat elcke p(ar)tie/ heeft willen seggen dienende tsijnre opinien hue(r) uutsprake en(de)/ my(n)lijc appointement tusscen de voirs(creven) p(ar)tien vande(n) voirs(creven) stoete/ gedaen en(de) gepronu(n)tieert ind(er) manie(re)n h(ier) na volgen(de) Inde(n) yerste(n)
//
dat de herberge gehete(n) de(n) wildema(n) mette(n) toebehoirte(n) alsoe die/ belege(n) es tusscen de(n) goede(n) meest(er) willems bonte(n) op deen zijde de/ criekelstrate de goede he(re)n jans vande(n) rijne priest(er)s en(de) tshe(re)n hoff/ van chantrain op dand(er) zijde comende achter op doverste zijde met/ eene(n) stalle tot aende(n) hoff vand(er) woeni(n)ge(n) d(er) voirs(creven) p(ar)tien inde coest(ra)te/ gelege(n) ende op de ned(er)ste zijde met eene(n) hove tot aende(n) muer van/ den stallen toebehoiren(de) der woeni(n)ge(n) des voirs(creven) wout(er)s erflijc volgen/ en(de) toebehoire(n) sal de(r) voirs(creven) roelove en(de) zijnen wive also lange als/ zij leven sal en(de) na huer doot den voirs(creven) ja(n)ne vanden hove en(de) jouff(rouwe)/ ka(tlij)[ne(n)] zijne(n) wive en(de) hue(re)n nacomelingen op de(n) last en(de) co(m)mer va(n) x/ oude crone(n) vrancr(ijcx) xx r(ijnsche) guld(en) en(de) een derdendeel vi s(cellingen) ii cap(uynen) outs/ chijs en(de) iii halst(er) rocx al erfrinte(n) d(aer) uutgaende Ite(m) dat thuys/ metten hove d(aer) achter liggende en(de) ande(re)n sijne(n) toebehoirte(n) alsoet/ gelege(n) es inde coestrate tussce(n) de(n) goede(n) des voirs(creven) meest(er) wille(m)s/ bonten op deen zijde en(de) de(n) wech uutgaende acht(er)w(er)t vander/ herbergen geheten de(n) wildeman tot inde coestrate op dand(er) zijde/ streckende de(n) voirs(creven) hoff tot aende(n) voirs(creven) stall vanden voirs(creven)/ wildeman Desgelijcx derflicheit vander woeni(n)gen dair inne de/ voirs(creven) wouter datin nu woent metter scaelgien dair voe(r) gelege(n) en(de)/ poirte(n) vande(n) voirs(creven) uutgange inde coestrate bove(n) metten stallen/ en(de) oesydruppen gelijc die nu staen en(de) liggende zijn tussce(n)/ den voirs(creven) uutgang en(de) de goede he(re)n jacops willegenbijl p(ri)est(er)s/ streckende achter tot de(n) voirs(creven) hove toebehoirende den voirscr(even)/ wildeman also v(er)re de voirs(creven) roelof en(de) zijn medeplichte(re)n d(aer) inne/ gerichtt mochten zijn erflijc volge(n) en(de) toebehoire(n) sal de(n) voirscr(even)/ wouteren datijn en(de) zijnen nacomelingen opde(n) last van ii cap(uynen) en(de)/ ii oude gr(ooten) erfchijs dair uut gaende Item dat de voirs(creven) wout(er)/ datijn den voirs(creven) roelofve ende zijne(n) medeplichteren voirs(creven) geven/ sal voir dat des voirs(creven) wouters goede hem na deser uutspraken/ volgende beter zijn boven co(m)mer dan de(n) voirs(creven) wildeman toebeh(oirt)/ den voirs(creven) roelove de so(m)me van hondert rijders tstuc te xxv/ stuv(er)s gerekent oft de weerde d(aer) af bij also dat die so(m)me sal/ worden bekeert int afquite(n) vanden erfco(m)mere staende op de(n) voirs(creven)/ wildeman Item dat den wech ingaende vander strate(n) aen sinte
//
pet(er)s kerchoff ter poirten vand(er) herbergen vande(n) voirs(creven) wildeman/ tot doer de poirte gelege(n) voir de woeni(n)ge des voirs(creven) wouters/ datijns inde coestrate Desgelijcx vand(er) selv(er) coestrate(n) wed(er)om/ doir de(n) selve(n) wildeman tot aen sinte pet(er)s kerchoff beyde den/ voirs(creven) p(ar)tien in gebruycke te gelike toebehoire(n) sal also dat zij/ en(de) hue(r) nacomelinge besitters vande(n) [allen den] voirs(creven) goede(n) en(de) elc va(n)/ hen dair doe(r) hue(re)n uut en(de) inganck hebbe(n) sele(n) te voete/ te p(er)de met wagen(en) en(de) and(er)s alsoe elke(n) gelieve(n) sal also wale/ de ghene die als vriende oft gaste inder voirs(creven) p(ar)tie(n) goede/ come(n) en(de) verke(re)n als ande(r) inde selve huyse woenende alleene/ bij dage en(de) tot dat de drapclocke des avo(n)ts en(de) des morgens/ na dat de dachclocke geluydt sele(n) wesen mair bij nachte en/ sal gheen vanden voirs(creven) p(ar)tien voer oft doer de woeni(n)ge des/ anders uutganc hebben Behoudelijc dat tusscen de voirs(creven) drapclocke/ en(de) de leste clocke des avonts en(de) niet langer de besitters vand(er)/ voirs(creven) woeni(n)ge(n) en(de) huer huysgesinde des voirs(creven) uutganx gebruycke(n)/ selen moege(n) [hier in v(er)sien oft de voirs(creven) wout(er) oft zij(n) nacom(elingen) tvoirs(creven) huys inde coestrate gelege(n) op de zijde vand(en) voirs(creven) wege ter dorpstrate(n) weert naest de(n) goede(n) meest(er) willems bonte(n) v(er)cochte(n) oft erflijc v(er)thierden dat in dien gevalle tselve huys gheene(n) uutganc doir den voirs(creven) wildeman behouden en soude] Item dat om stoot te stuwen die va(n) ongerieve/ der eenre oft ande(r) p(ar)tie(n) geboire(n) soude moege(n) midts den/ gebruycke des voirs(creven) weechs de voirs(creven) p(ar)tien hebbe(n) sele(n) de/ sloetele(n) vande porte(n) vande(n) wildeman voe(r) ende vanden/ uutgange inde coestrate achter sonder dat zij die yeman(t) bute(n)/ den voirs(creven) goede(n) woenen(de) in hande(n) sele(n) moege(n) late(n) en(de) oft e(n)nich/ vande(n) p(ar)tien yeman(t) van buyten dair doe(r) late(n) willen dat/ zij oft yema(n)t van hue(re)r familie(n) de porte(n) ontsluyte(n) en(de) wed(er)om/ sluyte(n) sele(n) en(de) [dat] elke p(ar)tie op de porte voir zijn woeni(n)ge gelege(n)/ nacht sloete sal moege(n) sette(n) en(de) de sloetele d(aer) af alleen behoud(en)/ om na de leste clocke des avonts tot der dachclocke(n) de selve/ uutgange geslote(n) te houden sond(er) yeman(t) d(aer) dore te moege(n)/ verkeeren ten ware dat hem geliefde Ende oft yema(n)t alsoe/ nachtslote sedt dat hij die des morgens te dachcloctijde sal/ oepenen oft de wederp(ar)tie saelt moege(n) op doen onbegrepen/ op dat zijs behoeft Item dat de voirs(creven) wout(er) datin oft hem/ gelieft de scaelgie staende tussce(n) de(n) voirs(creven) uutgangk/ ende de scaelgie vande(n) huyse dair hij nu woent sal moege(n)
//
besluyten Te wete(n) vande(n) egge van zijne(n) stalle ten voirs(creven) weghe/ weert tot op den egge vande(n) muere vand(er) poirte(n) aen de voirs(creven)/ coestrate Item dat tplaetsken liggende voir de(n) acht(er)ste(n) stal/ vande(n) voirs(creven) wildeman op de ov(er)ste zijde vande(n) egge vande(n) muere/ vanden hove des voirs(creven) wout(er)s tot aen dov(er)ste zijde vand(er) poirten/ vande doirgange comende uut den voirs(creven) wildeman ter coestrate(n)/ weert toebehoire(n) sal d(er) voirs(creven) h(er)berge(n) en(de) dat wout(er) de poirte dair jege(n)/ staende te sijne(n) hove weert toemetsen sal en(de) behouden de(n) inganc/ tot den selve(n) hove uut de(n) huyse gelegen inde coestrate voirscr(even)/ oft jegen de(n) voirs(creven) wech alsoet hem gelieven sal Item dat/ elc p(ar)tie dragen sal te zijnen laste de costen die hij geleden heeft/ oft noch lijde(n) moet op de voirs(creven) sake geloepen Behoud(elijc) dat/ wouter datin den voirs(creven) roelove in hulpe(n) va(n) zijne(n) laste(n) geve(n)/ sal een c(r)[o]ne oft xxiiii stuv(er)s d(aer) voe(r) It(em) dat va(n) desen de voirs(creven)/ p(ar)tien malcande(re)n behoirlike vestich(eit) doen selen en(de) gehoude(n)/ zijn te doene en(de) dat elc den ande(re)n tond(er)pande sette(n) sal/ sijn voirs(creven) goede d(aer) om de questie es geweest om oft deen/ voir gebreck va(n) betalingen van des and(er)s co(m)mere gepraemt/ wordde dat hij dat d(aer) aen sal moege(n) v(er)halen en(de) midts/ desen va(n) allen saken tot den dage van heden gesleten sijn/ act(um) et p(ro)nu(n)ciatu(m) cor(am) o(mn)ib(us) scabinis junii iiii[ta]