Wij lyntre m(er)sberge scepen(en) te loeven(en) doen cond alle(n) liede(n)/ dat voir ons come(n) zijn b(er)nard taymans woenen(de) te duysborch in/ deen zijde en(de) willem der moeyen in dande(r) en(de) hebben gekint/ en(de) gelijdt voir hen huere(n) erve(n) en(de) nacomelinge(n) dat zij alse/ va(n) huerre beyd(er) erve gelege(n) te duysborch v(er)enicht en(de) ver/ accordeert zijn ind(er) maniere(n) h(ier) na volgen(de) Te wete(n) dat de/ voirs(creven) b(er)nard hebbe(n) en(de) behoude(n) sal voirtaen tot ewige(n) dage(n)/ i(½) dach(mael) lants alsoet belege(n) is acht(er) tkoyers block tussce(n) mag(ri)te(n)/ m(er)cielijs en(de) ka(tlij)[ne(n)] m(eer)berchs op de(n) cost en(de) last d(aer) uut gaende dat/ de(n) voirs(creven) willem(me) toebehoirt heeft en(de) de voirs(creven) wille(m) sal hebbe(n)/ een stuc lants houden(de) omtrint i(½) dach(mael) alsoet belege(n) es acht(er) thof/ des selfs willems tussce(n) des voirs(creven) willems goede in beyde(n) zijde(n)/ en(de) tstreetke(n) ald(aer) op de(n) last en(de) co(m)mer d(aer) uutgaende dwelc de/ voirs(creven) b(er)nart tot heer gehoude(n) heeft Geloven(de) deen de(n) andere(n)/ inde voirs(creven) goede te houde(n) en(de) d(aer) af alt(oes) genoech te doene/ oft zij ergens malcandere(n) te nauwe gedaen hadde(n) p(ro)ut Voirt/ hebbe(n) de selve p(er)sone malcandere(n) gelooft oft derfgename(n) va(n)/ e(n)nige(n) va(n) hen den ande(re)n sijn porceel voirs(creven) ongebruyckich/ maecte en(de) dat aenveerde(n) woude in dien gevallen hebbe(n)/ zij deen de(n) ande(re)n gelooft te betale(n) de so(m)me va(n) x rijd(er)s/ eens t(am)q(uam) ass(ecutu)[m] oct(obris) ult(ima)