Item also gescille is tusschen janne vanden da(m)me sinte/ peters man va(n) loven(en) in deen zijde en(de) pete(re)n van calcken/ in dande(r) o(m)me eens svo(n)nisse gewijst bijden scepen(en) van/ grymbergen ter manissen vanden meyers beyde der/ he(re)n aldaer tusschen den vors(creven) p(ar)tien dair inne/ sij int verstennisse des selfs discorde(re)n en(de) de vors(creven)/ sinte pet(er)sman gemeynt heeft dat die sake staen/ en(de) bliven soude ten gerichte voer wet te loven(en) uut/ crachte van sijnd(er) vrijheit Dair af de vors(creven) meyers/ hoepten de (con)trarie alse de ghene die sculdich sijn/ tachtervolgen en(de) te exeque(re)n de vo(n)nisse(n) bij den wethoude(re)n/ aldair gewijst en(de) dat die questie vort bliven soude/ beyde vand(en) v(er)cle(re)n des vo(n)nisse vors(creven) en(de) execucie/ des selfs ten voirs(creven) gerichte van grymberghen oft/ des hoedts Es ten uut(er)sten get(er)mijneert dat de/ vors(creven) sinte peters man vand(en) vors(creven) vo(n)nisse en(de) des/ dair aen cleeft het zij van claernissen oft execucie(n)/ des selfs bliven sal ten vors(creven) gerichte te grymberghen/ act(um) in pleno (con)silio ja(nuarii) xxx