Item nadien dat lambrecht van bost woenen(de) te thienen voe(r) meye(r)/ en(de) scepen(en) van loven(en) gevo(n)nist heeft seke(r) scepen(en) brieven van loven(en)/ sprekende van vijf mudd(en) rox pacht en(de) mate van thiene(n)/ erfliker renten vallen(de) alle jae(r) ts(in)t andries messe apostels die/ hij heeft aen en(de) op de goede hier nae bescreven Te weten(e) inden/ yersten aen en(de) op een half boend(er) hoefs gelegen te wanghe/ tusschen de strate aldaer gelegen te beyden zijden Item aen/ en(de) op viii groete roeden lants gelegen tusschen winde en(de)/ wange tusschen de goede jans van heyleshem en(de) he(re)n willems/ wagemans pries(ter)s Item aen en(de) op xi groete roeden lants geleden/ daerbij tusschen de goede he(re)n willems voirs(creven) en(de) de goede adams/ van beckevort Item aen en(de) op iii zillen lants gelegen bijde/ hoeve van wange tusschen daneele van wange en(de) de/ herstrate aldaer Ende tvo(n)nisse dair af wijsde datmen opde/ goede trecken soude om oftmen bevonde te panden oft anders/ vort te vae(re)n met rechte soe [en] sijn opden vors(creven) pande niet/ bevonden te panden maer sijn met meye(r) en(de) scepen(en) van/ loven(en) de vors(creven) pande den vors(creven) lambrechte [voe(r) de vors(creven) rente] met costen en(de)/ co(m)mer daer op loopen(de) ghelevert p(rese)ntib(us) vync lynt(re) julii/ xxiiii