Item alsoe als merten van schore sagere gemeynt heeft dat alsulke/ guedinghe als jan bailhe gedaen heeft onlancx henricke wittema(n)/ van eenen beempde gelegen te buedinghe(n) geheten de gruyte(r) niet/ sculdich en wae(r) vortganc te hebben wantmen die sond(er) sijn (con)sent/ niet doen en mochte noch sculdich en was te doene Dwelc/ hij vortstelde om seke(r) gebrec dat hij hadde also hij seyde op/ henricke van baecx die ghelijc hem seggen en(de) recht inde selve/ goede hadde ende de raet vand(er) stat nade reden(en) van p(ar)tien/ overhorende de ghene die hier af te spreken weten bevonden/ heeft dat de vors(creven) guedinghe den vors(creven) henricke te rechte/ gedaen was heeft get(er)mijneert en(de) ov(er)draghen in hue(re)n raet dat/ de vors(creven) guedinge gedaen en(de) van weerden bliven sal Maer/ oft de vors(creven) m(er)ten henricke witteman opde betalinge oft den/ vors(creven) henricke van baecx van dien oft anders yet heeft te/ thijden dat hij dat vorde(re)n mach alst hem gelieft ende/ met rechte p(rese)ntib(us) kersmake(re) willem(air) et plurib(us) aliis maii/ penult(ima)