Tvo(n)nis vande(n) gedinge dat voer meye(r) en(de) scepen(en) va(n) loeven(e) geweest tussce(n)/ jouffr(ouwe) marie(n) va(n) nethen(e) met ja(n)ne ha(n)narde hue(re)n borge in deen zijde en(de)/ raese platvoet als momboir en(de) wettich man jouffr(ouwe) jeha(n)nen va(n) laethem/ in dande(r) alse van xl rinsche guld(en) die de voirs(creven) jouffr(ouwe) marie als/ h(er)bergie(r) en(de) w(er)dinne den voirs(creven) yesch van montcoste die de voirs(creven)/ jouffr(ouwe) jeha(n)ne te hue(re)n huys bynne(n) ii jae(re)n tijts gedaen hadde en(de)/ sculd(ich) wae(r) p(rese)nteerde des hue(re)n eedt hoopen(de) mits dien dat de voirs(creven)/ raes hue(r) die so(m)me oplegge(n) soude vanden welken de voirs(creven) raes hoopte/ ongehoud(en) te wesen Was gewijst met desen woirden dade de voirs(creven) jouffr(ouwe)/ marie den eedt die zij voe(r) gep(rese)nteert hadde en(de) voert dat zij jouffr(ouwe) jeha(n)nen/ gastwijse oft om gelt van hue(re)n costen te hebben gehoude(n) hadde dat hue(r)/ raes vand(er) so(m)men voirs(creven) oft d(aer) ond(er) die sij soude groetsen voldoen soude/ en(de) dien naevolgen(de) heeft de voirs(creven) jouffr(ouwe) marie hue(re)n eedt voldaen/ en(de) de so(m)me gegroetst op xxxvii rinsch gulde(n) p(rese)ntib(us) om(n)ib(us) scabinis/ dempt(o) mych(aele) abs(oloens) junii iiii[ta]