Tvo(n)nisse vande(n) gedinge dat voe(r) meye(r) en(de) scepen(en) van loeven(en) geweest es/ tussce(n) henricke scoep en(de) gielijse va(n) geldenake die nade(n) rechte der stat van/ loeven(en) geleit zijn totten goeden have en(de) erve jans kegel gehete(n) de witte in/ deen zijde en(de) willem van optielt in dande(r) alse van lxxx lichter guld(en) te x/ stuv(er)s tstuc die de voirs(creven) geleyde seyden dat de voirs(creven) willem met zijne(n)/ medeplichte(re)n erfgename(n) wout(er)s wijlen ausshems den voirs(creven) janne de witte/ sculdich waren voe(r) de tocht die de weduwe des voirs(creven) wijlen wout(er)s/ nu wettich wijf des voirs(creven) jans de witte sculd(ich) was te hebben aen de goede/ des selfs wijlen wout(er)s en(de) van zijnd(er) sijden gecomen daer af de selve/ erfgename(n) tegen den selve(n) janne de witte eene(n) afcoop hadden gemaect/ om twee werf lxxx licht(er) guld(en) daer af zij dierste paymi(n)t betaelt/ hadden en(de) van dese alse voe(r) dleste paymi(n)t yessche(n) de voirs(creven) geleide/ vande(n) voirs(creven) wille(m)me betalinge te hebbe(n) alse va(n) zijne(n) en(de) zijnd(er) zwage(re)n/ aengedeelte sund(er)linge navolgen(de) eend(er) uutspraken die p(ri)ncipaelijc onlanx/ opde(n) stoet vande(n) voirs(creven) lxxx guld(en) voe(r) scepen(en) va(n) tielt bij seggeren/ daer toe va(n) p(ar)tijen genome(n) uutgesproken was Vanden welken/ ende van alle ande(re)n poenten alsoe v(er)re die den voirs(creven) geleiden/ inden rechte diene(n) mochte(n) sij thoenisse bijleiden hoopende waer/ zij die ghethoene(n) consten dat hen de voirs(creven) wille(m) inder voirs(creven)/ manie(re)n van zijne(n) ende sijnder zwageren aendeel inde/ voirs(creven) lxxx guld(en) betalinge doen soude Op dwelc de voirs(creven)/ willem van optielt hem verantwerden(de) hoopte alsoe inde voirs(creven)/ so(m)me niet gehouden te wesen maer boet alrehande poente(n) te/ thoene(n) Bijden welke(n) hij meynde dat de voirs(creven) uutsprake niet va(n)/ rechte en wae(r) noch e(m)mer alsulk nae voersproken(en) voerw(er)de/ hij en soude gestae(n) met zijne(n) ende zijnd(er) zwage(re)n aengedeelte/ te geven al waert dat hij gewijst wordde de voirs(creven) uutsp(ra)ke/ te moete(n) achtervolgen sond(er) voe(r) der ande(r) gedeelte geraempt/ te moete(n) wordden Oec alligeerde hij en(de) boet te thoene(n) zeke(r)/ gebreke die hij inde voirs(creven) uutsprake hadden ende die hem
//
alsoe hij seyde uut ocsuyne van dier aende(n) voirs(creven) janne de witte/ gebraken Wert gewijst ten uut(er)sten bijde(n) he(re)n scepen(en) van/ loeven(en) ter manisse(n) smeyers na aensprake v(er)antwerden en(de)/ thoenisse van beyden p(ar)tien dat de voirs(creven) wille(m) van optielt/ gehouden zijn soude den voirs(creven) geleiden zijne en(de) zijnd(er) zwage(re)n/ aengedeelte ind(er) voirs(creven) lxxx guld(en) op te leggen na dat de/ waerheit gedragen hadde en(de) hadden dae(re)nteynde(n) p(ar)tijen deen/ dand(er) aentespreken dat zij dat daden met rechte p(rese)nt(ibus) witte vync/ lynt(re) m(er)sberge augusti vii