Also voir de(n) rade vand(er) stad in gescille stonde(n) jan le bacheler/ rintm(eeste)r ons gened(ichs) he(r) te brake(n) eyghe(n) in deen zijde en(de) janne de/ pospo der stad poirte(r) in dande(re) om de wettelike costen die voirmaels/ gelope(n) ware(n) in eene(n) gedinge dat de voirs(creven) pospo gehadt hadde te brake(n)/ eyge(n) voir de(n) voirs(creven) jan als rintm(eeste)r en(de) voir scepen(en) ald(aer) jege(n) steve(n)/ stassart als mo(m)boir en(de) va(n) wege(n) des gasthuys va(n) brake(n) eygen/ welke costen stonde(n) voir de p(ar)tie(n) d(aer) af genoech te gesciene de welke/ va(n) hen d(aer) af de sake wonne de(n) voirs(creven) rintm(eeste)r te besorge(n)/ D(aer) om de voirs(creven) bacheler de(n) voirs(creven) ja(n)ne pospo aensprac seggen(de)/ dat hij tvoirs(creven) gedinge ald(aer) hadde v(er)lore(n) en(de) dat hij d(aer) om he(m)/ vande(n) voirs(creven) wettelike(n) coste(n) die hij gespecificeert in eenre/ cedule(n) ov(er)gaf co(n)tenteren soude Dair jege(n) de selve pospo/ div(er)se reden(en) allig(er)de bij de(n) welken hij inde selve coste(n) niet/ en meynde gehoude(n) te zijn noch dat die sulck niet en/ waren dat va(n) rechts wegen hij d(aer) inne ware gehoude(n)/ So w(er)t te(n) ut(er)sten h(ier) op bide(n) rade vand(er) stad de voirs(creven)/ reden(en) en(de) ande(r) die de voirs(creven) p(ar)tie(n) aenbringe(n) mochten aen/ gem(er)ct ov(er)dragen en(de) get(er)min(er)t dat de voirs(creven) jan de pospo/ vande(n) voirs(creven) conste(n) jege(n) de(n) voirs(creven) rintmeester so v(er)re zij/ und(er)linge niet ov(er)come(n) en conste(n) te rechte staen soude(n) voir/ scepen(en) van uccle oft inde banc d(aer) de voirs(creven) gedinge ware(n)/ beleidt Tot de(n) welke(n) de voirs(creven) pospo en(de) om te come(n)/ voir scepen(en) va(n) uccle de selve pospo dach na(m) te come(n)/ binne(n) xiiii nachte(n) tot alsulke(n) dage als hij d(aer)enbinne(n) he(m)/ gelege(n) zijnde goets tijts de(n) voirs(creven) rintm(eeste)r te voire(n)/ cundige(n) soude cor(am) pleno (con)silio no(vem)[b(ris)] xiii