Item es navolgen(de) de(n) voirs(creven) (com)promisse is come(n) voir scepen(en) va(n) loeven(en)/ na genoemt jan va(n) udeke(m) voirspreke als ov(er)man gecore(n) bij de(n) voirs(creven) segge(re)n/ en(de) heeft zijn uutsprake h(ier) af gedaen ind(er) manie(re)n hier na volgen(de) Inde(n)/ yerste(n) dat otte koese hebben sal pe(n)ninge oft de(n) gront te kyesen en(de)/ eest dat hij de(n) gront kiest so sal hij de(n) voirs(creven) ja(n)ne geve(n) v pet(er)s/ en(de) eist dat ja(n) de(n) gront behoudt so sal hij de(n) voirs(creven) otte(n) gheven/ vii pet(er)s dair af de payen valle(n) selen half te kers(misse) en(de) half te/ paessce(n) beyde naestcomen(de) en(de) die de(n) gront behoudt sal tsijne(n) coste/ vande(n) ande(re)n goede [loflike] vestich(eit) hebbe(n) tussce(n) dit en(de) kers(misse) naestcomen(de) also/ v(er)re alst in he(m) es en(de) voirt sele(n) p(ar)tien gelijc betale(n) tgelach op/ ghistere(n) v(er)droncken abs(oloens) m(er)cels no(vem)[b(ris)] xv