Item johannes spruyte die geleit is totten goeden wolfaerts/ wilen vand(er) vielst heeft geloeft janne de maye(re) en(de) clause van/ vucht oft den eenen van hen uut machte vanden selven/ beleide tot hue(re)r oft des eens van hen manissen behulp/ te doene dat den vors(creven) janne de mayere besedt sal/ wordden alsulken pont gr(oot) vleemsch lijfrenten als hij dair/ inne de vors(creven) wolfaert te he(m)weert gehouden is bleven/ en(de) oic betalinge geschien van alle den verlette Te/ weten(e) elx jaers een pont gr(oot) tot nu toe vand(er) tijt dat/ de vors(creven) jan de maye(re) quijtschout de bewisenisse die/ hij voermaels d(aer) af heeft gehadt en(de) dair uut de vors(creven)/ wolfaert hem bewisenisse vand(en) ande(re)n geloefte dede/ Bij also dat hij [ja(n) spruyte] yerst vanden selven goeden trecken sal/ viii peters eenen stuver diemen hem noch sculdich is/ cor(am) kersmake(re) m(er)cels decembris xxiii