SAL7348, Act: R°266.1-V°266.1 (472 of 662)
Search Act
previous | next
Act R°266.1-V°266.1  
Act
Date: 1455-03-03

Transcription

2020-06-16 by Jan Boncquet
Cond zij allen liede(n) dat jan corduwaen in p(rese)ncia heeft genome(n) ende/
bekint dat hij genome(n) heeft van jannes kempenere mesvercoepe(r) sijn hof/
met wynnen(de) lande bempde eeussele(n) en(de) allen de(n) toebehoirte(n) gelijc/
dat belege(n) is inde p(ro)ch(ie) va(n) binckem Te houde(n) te hebbe(n) en(de) te wynne(n)/
va(n) halfm(er)te naestcomen(de) eene(n) t(er)mijn va(n) vi jare(n) lang v(er)volgen(de) elcx/
jaers
bij also dat zij te drie jare(n) scheyde(n) moege(n) des sal de ghene/
die scheyden wilt dat de(n) andere(n) een half jaer te voe(re)n cundige(n) elx/
jaers dairenbinne(n) om en(de) voir seve(n) sacke corens goet en(de) payabel/
d(er) mate(n) va(n) loeven(e) met wanne en(de) met vederen wel bereyt alle jae(re)/
tsinte andriesmisse apostels te betale(n) de iiii sacke(n) vande(n) voirs(creven) vii sacke(n)/
en(de) [de(n) voirs(creven) ja(n)nese] te loeven(e) te leve(re)n en(de) de vier[drie] sacke [thiensche pacht] d(aer)af sal hij betale(n) h(er) gh(er)de/
foet de welke hij tsine(n) live d(aer) op heeft en(de) oft hij hierenbinne(n) aflivich/
worde sal hise mette(n) voirs(creven) drie [iiii] sacke(n) te loeven(e) leve(re)n q(u)[o]l(ibet) ass(ecutu)[m]/
It(em) es vorwerde dat de voirs(creven) wynne int voirs(creven) hoff nu trecken sal/
en(de) dair blive(n) woenen(de) zijne(n) t(er)mijn dueren(de) en(de) de huysinge d(aer) af/
houwe(n) wel en(de) loflijc vander underster rijkele(n) ned(er)w(er)t op zijne(n)/
cost sond(er) arghere(n) It(em) de voirs(creven) jan sal noch hebbe(n) de weyde den/
voirs(creven) hove toebehoiren(de) jaerlijcx de(n) voirs(creven) t(er)mijn dueren(de) om vi lichte guld(en)/
te x st(uvers) stuc tsinte m(er)tensmisse te betalen q(u)[o]l(ibet) ass(ecutu)[m] It(em) is vorwerde dat de/
wy(n)ne ten afgane va(n) sijne(n) t(er)mijne de goede wel gemest en(de) besayt/
late(n) sal gelijc hij die vandt tsijne(n) incomen(en) te wete(n) i(½) dach(mael) opde(n)/
vossel i groot dach(mael) acht(er) jan hubrechts dair de(n) wech ov(er)gheet/
Een lanc dach(mael) neve(n) jans cordewaens goet acht(er) jans hubrechts/
It(em) alle dand(er) lant sal hij gemest late(n) want hijt alsoe aenveerdt/
It(em) dbloc opden vossel en(de) (½) boend(er) opt vleucot eens omgedaen/
en(de) alle de goede sal hij alt(oes) meste(n) wel en(de) loflijc gelijc me(n) sculd(ich)/
is te doene sonder argelist It(em) oft de voirs(creven) jan gem(er)gelt woude/
hebbe(n) es vorwerde dat de wy(n)ne dien hale(n) sal op alsoe/
datten de wy(n)ne [ja(n)nes] op de cute coepe en(de) betale En(de) dade de voirs(creven)/
jan dair yet decke(n) oft plecken d(aer) af sal de voirs(creven) wy(n)ne de(n)/
montcost gheve(n) en(de) de voirs(creven) ja(n)nes sal de dachuere(n) betalen/
It(em) de voirs(creven) jan corduwaen en(de) de wy(n)ne selen allet ooft aldair/
wassende half en(de) half deylen des sal de voirs(creven) wy(n)ne de(n) voirs(creven)/
ja(n)ne zijn helicht te loeven(e) tsijne(n) huys levere(n) en(de) de selve/
wy(n)ne sal de(n) voirs(creven) ja(n)ne jaerlijcx zijne(n) t(er)mijn dueren(de) doen/
een corweyde te loeven(e) en(de) hij sal de grechte(n) jaerlijcx v(er)heffe(n)/
/ dair dat behoeve(n) sal wel en(de) loflijc It(em) wa(n)t de voirs(creven) jan/
kempene(re) tsijne de(n) voirs(creven) wynne tsijne(n) incomen(en) geleent heeft/
acht pet(er)s om getouwe mede te coepen En(de) es vorwerde dat/
de voirs(creven) wy(n)ne de(n) voirs(creven) ja(n)ne de vier pet(er)s d(aer) af geve(n) sal/
binne(n) de(n) yerste(n) drie jare(n) en(de) dand(er) iiii pet(er)s op tseste jaer It(em) heeft/
noch de voirs(creven) ja(n)nes de(n) wy(n)ne geleent iiii clincarde om mest te/
coepe(n) d(aer) voir de wy(n)ne dlant geheel tsijne(n) affscheyde(n) gemest sal/
laten wel en(de) loflijc en(de) de storte en(de) de brake sal hij alsdan oec/
late(n) gelijc hem die gelev(er)t sijn En(de) alle dese vorwerde(n) condicie(n)/
en(de) geloften (et)c(etera) cor(am) velde p(ri)ke(re) m(ar)cii t(er)cia
Contributorskristiaan magnus
Moderated bykristiaan magnus
Last update: 2016-10-25 by Xavier Delacourt