Cond zij allen lieden dat joes va(n) maleville woenen(de) tot yttre in p(rese)ncia/ heeft genome(n) en(de) bekint dat hij genome(n) heeft va(n) he(re)n emond va(n)/ emichove(n) he(re)n [meester] va(n) chantrain en(de) her willem(me) va(n) oesterzeele zijne(n) p(ro)cur(eur)/ des volcomelijc gemechticht thoff gehete(n) viescourt gelegen bij nyvele/ mette(n) wynnen(de) lande beempde(n) eeussele(n) en(de) allen den toebehoirte(n) gelijc pirar/ macquet die gehoude(n) heeft en(de) noch ter tijt houdende is Te houde(n) te hebbe(n)/ en(de) te wynne(n) van inganc meye naestcomende eene(n) t(er)mijn va(n) xii jare(n)/ lang v(er)volgende elcx jaers darenbinnen om lxvi rijnsch(en) guld(en) alsulke/ als gemeynlijc inden lande van braba(n)t cours hebbe(n) selen deen helicht/ d(air) af te kersmisse en(de) sonder begrip te liechtmisse d(air) na en(de) dand(er) helicht/ te paessche(n) en(de) sond(er) begrip te(n) ascenciedage d(air) na v(er)volgende te betale(n)/ den voirs(creven) he(re) va(n) chantrain oft zijne(n) p(ro)cur(eur) q(u)[o]l(ibet) ass(ecutu)[m] It(em) es vorwerdat dat/ de voirs(creven) joes alle jae(re) de(n) voirs(creven) t(er)mijn dueren(de) drie boende(re)n wel ende/ loflijc ov(er) m(er)gelen sal It(em) want de voirs(creven) joes de(n) corenaerd [te hallemart] en(de) noch vier/ boend(er) gelege(n) neve(n) thof voirs(creven) gevonde(n) heeft tsijne(n) income(n) met coren op/ iiii getidege vore(n) uutgenome(n) twee boend(er) driesch liggen(de) It(em) den zom(er)art/ wel gewo(n)ne(n) op ii getidege vore(n) en(de) gesayt met goede(n) zade uutgenome(n)/ omtrint (½) boend(er) driesch de(n) welke(n) som(er)aert houdt xxix boend(er) in/ ii stucken gelege(n) ter plaetse(n) gehete(n) wyalpret en(de) xxiiii boend(er) lants/ gelege(n) te valionpont weert neve(n) de hage(n) vande(n) hove voirs(creven) te/ nyvele weert It(em) den wynt(er)aert brake houden(de) lx boend(er) in eenen/ stucke gelege(n) bove(n) tvoirs(creven) hoff neve(n) de bempde gehete(n) wyalpret voirs(creven)/ op i getidege vore Soe es vorwerde dat hij die tsijne(n) afsceyde(n)/ also late(n) sal It(em) de voirs(creven) wynne tsijne(n) uutgane late(n) opde(n) som(er)art/ gesayt vier vate gehete(n) rasieres erwete(n) vier [vate] crucken en(de) vier vate/ corter even(en) algad(er) mate(n) va(n) nyvele It(em) de voirs(creven) wynne sal alle/ jare hebbe(n) voir sijn berringe(n) een boend(er) bosch It(em) dal de voirs(creven) wy(n)ne/ houwen en(de) uutroden de haghen omtrint de(n) [lande en(de)] weyden uutgenome(n)/ de oude bossche [en(de)] uutgenome(n) aen die ligge(n) aende bossche van nyvele en(de)/ aende heyen It(em) de voirs(creven) wynne sall met zijne(n) wage(n) en(de) p(er)de(n) hale(n)/ alle de stoffe die me(n) behoeve(n) sal omd(er) refectie(n) wille vande(n) hove voirs(creven)/ uutgenome(n) va(n) nuwe(n) wercke en(de) alsme(n) d(air) werct van oude(n) wercke/ sal de voirs(creven) wy(n)ne de(n) werclieden de(n) mo(n)tcost gheve(n) en(de) m(ijn) hee(re) de/ dachueren betalen en(de) hij [de vors(creven) wyn] sal de huysinge vande(n) hove voirs(creven) houde(n) vand(er)/ und(er)ster rijkelen nederwert mette(n) ovene uutgesceyde(n) dovenhuys op/ zijnen cost It(em) sal de voirs(creven) wy(n)ne alle jare int voirs(creven) hoff bringe(n)/ en(de) levere(n) iim tweedusent walms om die ald(air) te v(er)decke(n) en(de) alsme(n)/ / die verdect sal de wy(n)ne de(n) werclude(n) de(n) mo(n)tcost geve(n) en(de) m(ijn) he(re)/ de dachueren betalen en(de) oft d(air) and(er)s yet gebrake gemaect te werde(n)/ dat mach de voirs(creven) wy(n)ne doen make(n) [en(de)] de werclieden de(n) mo(n)tcost geve(n)/ en(de) m(ijn) he(re) de dachuere(n) als voe(r) It(em) sal de voirs(creven) wy(n)ne alle tstroe/ vande(n) voirs(creven) goede(n) comen(de) int hof voirs(creven) bringen met zijne(n) beeste(n)/ ette(n) te meste bekeere(n) en(de) dat mest vuere(n) op de lande voirscr(even)/ tslants meesten p(ro)fite uutgenome(n) tsijne(n) leste(n) jare dan sal hij dmest/ binne(n) de(n) voirs(creven) hove laten It(em) de voirs(creven) wy(n)ne sal hebben de weyen/ opde bosscen en(de) heyen voir sijne beesten gelijc ande(re) wynne(n) die in/ voirledene(n) tide(n) gehadt hebben It(em) is vorwerde oft de voirs(creven) wynne/ vand(en) voirs(creven) pechtinge(n) sceyden woude dat hij dat doen mach va(n)/ drie jare(n) te drie jare(n) bij also dat hijt m(ijn) hee(re) een jare te/ vore(n) cundige(n) It(em) sal de voirs(creven) wy(n)ne hebbe(n) alle hout behoeven(de)/ tot de getouwe d(er) lantwy(n)ni(n)ge(n) vande(n) voirs(creven) hove op de bossche/ aldair uutgenome(n) de raders ende omgaende hout It(em) sal de voirs(creven)/ wynne alle jare zijne(n) t(er)mijne dueren(de) de(n) he(re)n leve(re)n een dozijne goed(er)/ hantkeese velde p(ri)ke(re) junii s(ecund)[a]