SAL7348, Act: R°363.2-V°363.1 (628 of 661)
Search Act
previous | next
Act R°363.2-V°363.1  
Act
Date: 1455-06-09

Transcription

2021-04-28 by Jan Boncquet
It(em) gielijs van landeloes en(de) jan zijn sone in p(rese)ncia hebbe(n) genome(n) en(de) (et)c(etera)/
van janne van dormale sone symoens wilen va(n) dormale [he(m) des v(er)mechten(de)] thoff te calste(re)n/
metten wynnen(de) lande bempde(n) eeussele(n) [te] kersbeke gelege(n) met alle(n) de(n) toebeh(oirten)/
h(ere)n claes va(n) sinte goericx ridd(er)s meyers te loeven(e) dwelc de voirs(creven) jan va(n)/
dor(ma)le jege(n) de(n) voirs(creven) h(ere)n clase genome(n) hadde Te houde(n) te hebbe(n) en(de) te wy(n)ne(n)/
va(n) halfm(er)te lestlede(n) a(nn)[o] liii eene(n) t(er)mijn va(n) drie jare(n) lang v(er)volgen(de) elcx/
jaers darenbinne(n) om xxii m(ud)[de] rocx d(er) mate(n) va(n) loeven(e) goet en(de) payabel/
en(de) om lx holl(ansche) guld(en) goet en(de) ghinge Te wete(n) tvoirs(creven) core(n) ts(in)te andriesmisse/
en(de) tgelt tsinte m(er)tens misse te betale(n) en(de) te loeven(e) te leve(re)n de(n) voirs(creven) he(re)n clase/
en(de) roelof vand(er) elst [de(n) jonge(n)] aut q(u)[o]l(ibet) ass(ecutu)[m] It(em) es vorwerde dat de voirs(creven) wy(n)ne de/
huysinge houde(n) sal zijne(n) t(er)mijn dueren(de) vand(er) und(er)ster rijkele(n) ned(er)weert in/
goede(n) state en(de) alsmen d(air) dect plect of metst aende selve huyse dan sal/
de wy(n)ne de(n) wercliede(n) de(n) montcost geve(n) en(de) h(er) claes de dachuere(n) En(de) waert/
soe datme(n) d(air) e(n)nich nuwe werck maecte dair in sal de wy(n)ne voirs(creven) ongehoude(n)/
zijn It(em) is vorw(er)de dat de voirs(creven) h(er) claes en(de) de wy(n)ne tsame(n) leve(re)n selen/
int voirs(creven) hoff jaerlijcx ii[c] hope stroes die de voirs(creven) wy(n)ne ette(n) salen met/
zijne(n) beeste(n) en(de) dmest d(air) af comen(de) vuere(n) op tvoirs(creven) lant slants meeste(n)/
p(ro)fite It(em) is vorwerde dat de voirs(creven) wynne alle de voirs(creven) lande hue(re)n t(er)mijn/
duerende houde(n) selen in goede(n) state gelijc reengenote(n) boven en(de) benede(n) en(de) die/
late(n) te hue(re)n afsceyde(n) gelijc zijse aenveerdt hebbe(n) te wete(n) viii boende(r) met/
wynt(er)coren(en) besaeyt op iiii getidege vore(n) de storte o(m)me gedaen en(de) de brake/
geheel It(em) es vorwerde dat de voirs(creven) wy(n)ne jaerlijcx sal moete(n) leve(re)n int voirs(creven)/
hoff iiii[c] walme(re)n om de huysinge voirs(creven) mede te decken It(em) sele(n) de wy(n)ne voirs(creven)/
moege(n) houwen huer berringen op de vorle(n) t(er) mynster schade(n) en(de) zij sele(n)/
alle truncboeme moege(n) tru(n)cken om de goede d(air) mede te bevreden Ende/
/ gevielt dat de voirs(creven) wy(n)ne e(n)nige v(er)droechde boeme af hieuwe(n) so sal de/
voirs(creven) wy(n)ne vanden selve(n) aerde voir elken verdroechde(n) boom setten/
twee levende poten En(de) alle dese cor(am) eisd(em)
Contributorskristiaan magnus
Moderated bykristiaan magnus
Last update: 2016-11-08 by Xavier Delacourt