Item de voirs(creven) p(er)sone hebbe(n) hen gesubmitteert t(er) ordinan(cien) vand(er)/ stad rade en(de) der uutsprake(n) der selv(er) vande(n) p(ri)ncipale(n) gescille/ oft gevichte dat geweest is tussce(n) hen en(de) de(n) p(ri)ncipale(n)/ p(ar)tie(n) va(n) wesemale bij also dat de selve p(ar)tie desgel(ijx)/ doen binne(n) viii dage(n) naestcomen(de) en(de) dat dat de(n) voirs(creven)/ p(ar)tie(n) va(n) beveke(m) hiere(n)tussce(n) gecondicht worde en(de) oft des/ niet en gesciet dat dan hue(r) voirs(creven) submissie v(er)smolte(n) sal/ wesen Maer dese(n) niet jege(n)staen(de) om elke(n) te besorge(n)/ selen beyde de p(ar)tien blive(n) staende op hue(r) beloop vand(er) veede(n)/ tot dat de leste p(ar)tie gesubmitteert sal hebbe(n) eisd(em)