Tvo(n)nisse vanden gedinghe dat voe(r) meye(r) en(de) scepen(en) van loven(en)/ geweest is tusschen goffarde le charpentir als aenlegge(r) in deen/ zijde en(de) rase van crenwijc in dande(re) alse van div(er)sen meste/ en(de) stroe dat de vors(creven) goffart seyde in des vors(creven) raes hof te sint/ jans gheest gelaten te hebben als hij dair uut schiet dat/ de vors(creven) raes aenveert hadde bege(re)nde dair o(m)me van dien/ hem bijden selven rase restitucie gedaen te worden ter taxacie(n)/(et)c(etera) Vanden welken de vors(creven) raes niet en meynde inden vors(creven)/ goffarde gehouden te zijne bij seke(re)n pointen die hij boet te thoenen/ en(de) die hij inden rechte volquam Wert gewijst met desen/ worden na aensprake v(er)antweerden en(de) thoenisse des vors(creven) raes/ dat de selve raes ongehouden zijn soude van alsulker aensp(ra)ken/ als de vors(creven) goffart te hemweert gedaen hadde p(rese)ntib(us) o(mn)ib(us)/ scabinis dempto kersmake(re) decembris xvi