It(em) op [vande(n) stoete en(de)] geschille dat [die] een lange wile va(n) jae(re)n geweest is tussche(n) janne/ vanden ekelhove(n) van langdorp in deen zijde en(de) arnde otte(n) ende/ janne otte(n) sijne(n) sone in dande(re) alse van eene(n) stuck erfs gelege(n)/ te langdorp gehete(n) den strijacker met alle sijnd(er) toebehoirte(n) wilen/ de(n) voirs(creven) ja(n)ne toebehoiren(de) die hij hielt voe(r) seke(re) erfrente(n) die/ de voirs(creven) otte(n) d(aer) aen hadde(n) voe(r) de welke sij de(n) selve(n) strijacker en(de)/ noch ii p(er)ceele(n) va(n) erve te wete(n) ii mudde cor(ens) erfspachts v(er)pant/ op seke(re) goede gehete(n) de(n) haeck gelege(n) ald(aer) en(de) op een stuck oud(en)/ wijng(ar)t en(de) lant gelege(n) ald(aer) gehete(n) de cruysstrate gehe neve(n)/ de p(er)sse sgoidsh(uys) va(n) s(in)t g(er)trude(n) [uutgewo(n)ne(n) hadde(n)] Ende noch hadde de voirs(creven) jan/ d(aer) voe(r) v(er)pant eene(n) love(n)sche(n) peter erftsijs dieme(n) jaerlijx heeft/ opde v putma(n)s hoeve neve(n) de coevoertsheyde welke(n) goede(n)/ die(n) de voirs(creven) arnt en(de) ja(n) otte(n) nocht(er)tijt niet in gewo(n)nen en hadde(n)/ Welke(n) goede(n) [int geheel] de voirs(creven) ja(n) vand(en) ekelhove(n) dagelijx volghde/ soe inde banck d(aer) onde(r) die gelege(n) wae(re)n soe eld(er) en(de)/ en w(er)de(n) [niet alleen] alsoe bij he(m) de voirs(creven) sijn p(ar)tie(n) gemoyt om de(n) voirs(creven)/ voirs(creven) gronde dagelijx te v(er)antw(er)den maer oyc volghde hij/ te meer plaetse(n) op hen om deswille dat hij alligeerde/ gebreck in sijnd(er) waerscap oft geluste(n) va(n) genoechdoen/ te hebbe(n) d(aer) uut hij va(n) hen richtinge beg(er)de en(de) hadde te(n)/ uut(er)ste(n) met sijne(n) brieve(n) tot hue(re)n goede(n) inde(n) lande va(n) arschot/ met scepen(en) brieve(n) va(n) arschot doen leyde(n) Op dwelc de voirs(creven)/ arnt en(de) ja(n) meynde(n) dat al tonrecht was met de(n) bescheyde/ / hiertoe voe(r) hen en(de) merckelic tegen den vors(creven) ekelhove dienen(de)/ hebben hen de selve p(ar)tien willichlic gekeert inde vriendelike/ uutsrake die de raet vand(er) stat van loven(e) hier op/ doen soude willen Ende also na dat de selve raet/ dat hadde aengenomen te beslichten mynlic en(de) buyte(n)/ formen van rechte om p(ar)tien van meer costen of/ vervolge te verhueden [heeft de selve raet] uutgesproken heeft en(de) gepro/ nu(n)cieert dat de vors(creven) jan vanden ekelhove(n)/ t(er) manissen des vors(creven) jans en(de) arnts [en(de) jans] comen/ sal tot allen plaetsen daer hen dat dienen/ mochte en(de) derven op hue(re)n cost en(de) goeden hen/ in alle trecht dat hij heeft oft hebben mach/ oft mochte in nacomen(de) tijden inde vors(creven) drie/ p(er)celen van erve te weten(e) den vors(creven)/ strijacker de vors(creven) twee mudden corens en(de)/ in tvors(creven) tstuc erfs lant en(de) wijngart wesen(de) en(de)/ gheve(nde) hen oic ov(er) tot goede [sijnd(er)] eedt alle brieve/ hoedanich die zijn die hij heeft den vors(creven)/ goeden aengaende en(de) de vors(creven) jan en(de) arnt [en(de) ja(n)]/ sullen oic den vors(creven) janne va(n) ekelhove(n) te/ sijnd(er) manisse(n) tot allen behoerliken plaetse(n)/ goiden en(de) vestigen van hue(re)n rechte dat/ sij mogen hebben ind(en) vors(creven) erfpet(er) en(de) hem/ ov(er)geve(n) tot hue(re)r eedt alle brieve d(aer) af/ spreken(de) die zij [va(n) die(n)] moge(n) hebbe(n) Tot desen/ sullen de vors(creven) arnt en(de) jan den vors(creven) janne vand(en)/ elkelhoven boven de ii mudden rocx eens die hij/ van hue(re)n goeden [betalinge] hen onthave(n) heeft hem betalen/ de vors(creven) vestich(eit) gedaen zijnde x hollan(sche) guld(en)/ eens te xvi st(uvers) tstuc als v(er)reicte schout En(de)/ om dit te volcomen hebben de vors(creven) p(ar)tien malcande(re)n/ dach getekent te wese(n) voe(r) hee(r) en(de) hof d(aer) de vors(creven)/ goede op en(de) af gaen van heden in viii dagen uutgesproken/ p(er) abs(oloens) dyeve(n) burg(imagist)[ris] et plurib(us) aliis de (con)silio maii ii