It(em) henr(ic) vande(n) borchove(n) sone wile(n) jans en(de) henr(ic) va(n) daelhem/ gehete(n) heyberch van opvelpe in p(rese)ncia hebben genome(n) en(de) bekint dat/ zij genome(n) hebbe(n) van brued(er) pet(er)en moens meest(er) des goidsh(uys) va(n) meechde(n)/ dale toplyntre en(de) henr(ic) boelard va(n) wege(n) des voirs(creven) goidsh(uys) als des/ volcomel(ic) gemechtich vand(er) vrouwe(n) abdisse(n) en(de) co(n)vent des selfs goidsh(uys)/ de helicht vand(er) cleynd(er) en(de) g(r)[o]ter thiende(n) des voirg(eruert) goidsh(uys) gelege(n) tot/ opvelpe mett(er) helicht va(n) v boende(re)n lants dair toe behoiren(de) en(de) andere(n)/ toebehoirte(n) Te houde(n) te hebben(e) van sint jans(misse) naestcomen(de) eene(n) t(er)mijn va(n)/ sesse jare(n) lang v(er)volgende elcx jaers darenbinnen om de helicht van/ lxx mudde(n) corens en(de) xlviii mudde(n) even(en) elcx graens wel bereyt met wa(n)ne(n)/ en(de) met vloghen d(er) mate(n) va(n) thiene(n) te wete(n) sesse halstere(n) rocx d(er) selver/ mate(n) voir elc mudde corens ge(re)kent en(de) vii halst(er) even(en) d(er) mate(n) voirs(creven)/ voir elc mudde evene(n) gerekent alle jare te sinte andriesmisse apostels/ te betalen en(de) topvelpe te levere(n) de(n) voirs(creven) t(er)mijn duerende q(uo)l(ibet) ass(ecutu)[m] en(de)/ om de helicht va(n) vii jonge gansen vii jonge hoend(er) kyekene en(de) va(n)/ twee cap(puyne) alle jare de(n) voirs(creven) t(er)mijn duerende te betalen te(n) gewoe(n)like(n)/ tide It(em) sele(n) de voirs(creven) henric en(de) henric betale(n) in afcorti(n)ge(n)/ vande(n) voirs(creven) corene alle sinte andriesmisse der voirs(creven) t(er)mijn dueren(de)/ te viler de helicht van v mudde corens en(de) de(n) p(er)soen van/ opvelpe de helicht va(n) xvi m(ud)[de] corens d(er) mate(n) voirs(creven) It(em) sele(n)/ de voirs(creven) henr(ic) ende henric betale(n) de(n) voirs(creven) t(er)mijn dueren(de)/ de helicht va(n) alle(n) andere(n) gewoenlike(n) costen sond(er) afcortinge/ vander so(m)men voirs(creven) en(de) oec de helicht va(n) drie bussele(n) vlas on/ geboect alle jae(re) de(n) voirs(creven) t(er)mijn dueren(de) It(em) es vorw(er)de waert/ alsoe dat e(n)nige orloge oft te(m)peeste gesciede binne(n) dese(n) voirs(creven)/ t(er)mijne op dese voirs(creven) lande dair af soude tvoirs(creven) cloest(er) de(n) voirs(creven)/ henr(icke) en(de) henr(icke) rastoir doen gelijc ande(re) he(re)n en(de) p(re)late(n) doen/ sele(n) huere(n) wy(n)nen bove(n) en(de) benede(n) cor(am) abs(oloens) opp(endorp) maii p(en)ult(ima) Et exin(de)/ p(ro)misit d(i)c(t)us henr(icus) de daelhe(m) p(re)f(atum) henr(icum) ind(empnem) (con)s(er)va(r)e abs(oloens) opp(endorp) maii p(en)ult(ima)