Cond zij eene(n) yegeliken dat jan van meenssele in p(rese)ncia heeft genome(n) en(de) bekint/ dat hij genome(n) heeft jege(n) jannes tyrion als des volcomel(ic) gemechticht vande(n)/ abt en(de) co(n)vent des goidsh(uys) va(n) p(er)cke thof des selfs goidshuys gelege(n) te/ hondshem inde proch(ie) va(n) willebringe(n) mette(n) wy(n)nen(de) landen en(de) ande(re)n toebeh(oirten)/ gelijc des selves jans [vord(er)s] die tot noch en(de) ande(re) gehouden hebben Te houde(n) te hebbe(n)/ en(de) te wynne(n) va(n) halfm(er)te lestlede(n) eene(n) t(er)mijn va(n) xii jare(n) lang v(er)volgende/ mette(n) lande gehete(n) templiere(n) lant en(de) mette(n) lande dat voirtijts magriete(n)/ wilen baecx te wesen plach Elx jaers darenbinne(n) om en(de) voir lxvii m(ud)[d(e)]/ rocx pacht van hondshe(m) oft va(n) willebringe(n) en(de) mate(n) der stad va(n) loeven(e) met/ wa(n)ne ende met vedere(n) wel bereyt tsinte andriesmisse apostels te betalen/ ende op de(n) spyker int voirs(creven) goidsh(uys) te leveren te(n) coste des voirs(creven) jans q(u)[o]l(ibet)/ ass(ecutu)[m] It(em) sal de voirs(creven) wy(n)ne jaerlijcx de(n) voirs(creven) t(er)mijn duerende geven ende/ betalen vande(n) te(m)pliers lande(n) voirs(creven) de(n) he(re)n van chantrain op de borch va(n)/ loeven(e) v halst(er) rocx mate(n) en(de) pacht voirs(creven) sond(er) afslach vand(er) voirs(creven)/ so(m)me(n) also dat de(n) goidsh(uys) d(air) last noch scade af en come Welke wy(n)nen(en)/ voirs(creven) gelege(n) zijn in drie aerden comen(de) ter so(m)men va(n) lvi boende(re)n ii dach(male)/ en(de) xxv roede(n) luttel min oft meer gelijc he(n) de voirs(creven) wyne die va(n) stucke te stucke/ ind(er) maniere(n) na v(er)claert bekint heeft genoech bewesen te zijne en(de) die also/ te leve(re)n ten eynde vanden t(er)mine vors(creven) also dat tgodshuys des te/ vreden zijn moge dair af den wynter art houden(de) is xv boende(re)n/ en(de) drie dachmalen luttel myn oft meer gelegen in xix stucken vand(en)/ welken dyerste stuc houden(de) v dach(male) gelegen is bijden holente(re)n/ neve(n) den wech gaende d te willebringen wert tusschen de/ goede henricx van gorshem op deen zijde der kynde(re) corfs erve va(n)/ cuntich in dande(re) en(de) de goede willems vanden putte opde derde/ zijde dande(r) zijde stuc houden(de) iii dachmale is gelegen bijden/ lijcwech tusschen henr(icke) van gorshem en(de) hugen roelofs iii[de] stuc/ houden(de) tderdel van i boend(er) is gelegen neven de goede jans/ groete en(de) m(ar)grieten beys lant en(de) de beystrate It(em) tvierde stuc houden(de)/ als voe(r) tderdel va(n) eene(n) boende(r) gelege(n) bij jan le(m)mens lant in deen zijde m(ijn) he(re)n/ lant va(n) berge(n) he(re) tot opvelpe in dande(re) neve(n) d(er) f(ir)merie(n) lant van loeven(e) ald(air)/ It(em) tvijfste stuc noch houdende tderdel van i boend(er) gelege(n) inde wijg(ar)ts hage tussce(n)/ de(n) goede(n) gorts roelofs en(de) jans beckers It(em) tseste stuc houdende een boender/ tussce(n) de(n) goede(n) he(re)n claes va(n) s(in)te goericx ende magriete(n) beys come(n)de op de/ wijg(ar)tstrate It(em) tsevenste stuc houdende iii(½) dach(male) es gelege(n) tussce(n) de(n) goede(n)/ gheldolfs vander lynden en(de) arts vand(er) lynde(n) It(em) dachste stuc houden(de) drie/ vierdel va(n) i dach(mael) es gelege(n) tussce(n) de(n) goede(n) weyns der weduwe(n) en(de) symoens/ va(n) loen comende opde wijng(ar)tstrate It(em) tnegenste stuc houden(de) drie dach(male)/ / gelege(n) ten cruysken neve(n) de(n) goede(n) aerts de mu(n)te(re) in deen zijde en(de) op dand(er)/ zijde neven derve des selfs arnouts opte strate gaende van opvelpe te/ loven(e) wert Item thienste stuck houden(de) i(½) dachmale gelegen inde mere/ bij derve jans beckers op deen zijde en(de) op dande(r) zijde bijde goede des godsh(uys)/ van vliederbeke bij loven(e) Item delfste stuc houden(de) iii(½) dachmale gelegen/ inde mere vors(creven) bij derve wout(er)s roelofs vors(creven) op deen zijde en(de) op dande(r)/ zijde des p(er)soens goede van opvelpe Item twelfste stuc houden(de) x/ dachmale gelegen opde hersstrate die gaet vander sluysen te loven(e) wert/ op deen zijde en(de) godevarde vanden leempoele en(de) neven derve g der/ weduwen geloyts vand(er) meren en(de) willems vanden putte Item/ xiii stuc houden(de) een boender geheten troomboend(er) gelegen neven/ derve geldens heyberchts in deen zijde en(de) den goeden jans grooten/ van nedervelpe Item xiiii[te] stuc houden(de) iii dach(male) gelegen bij he(re) claus/ van sinte goricx goede ridders en(de) neven derve der kynde(re)n/ gielijs wilen uuten lyemi(n)ghen en(de) jans grooten vors(creven) Item xv stuc/ houden(de) iii dachmalen gelegen bij derve der kynde(re)n gielis uuten/ lyemi(n)ghen en(de) jacops vanden putte Item xvi stuc houden(de) een half/ dachmale gelegen opt velt bijder firmarien van loven(e) lant en(de) clause/ van sinte goricx ridders Item xvii[te] stuc houden(de) iii boende(re)n gelege(n)/ neven derve ge jans gielijs en(de) he(re)n clause vors(creven) en(de) neven/ den wech die van honshem waert gaet te bevekem Item xviii/ stuc houden(de) ii dachmalen gelegen neven derve ons(er) liever vruwen/ outair van opvelde en(de) de wijngarde van opvelpe Item xix[te]/ stuc houden(de) xxv roeden gelegen ten cruysken(en) comen(de) opden wech/ die van bevekem gaet te meldert wair en(de) op dande(r) zijde neven/ de goede he(re)n claus van sinte goricx ridders Item den somer/ art houden(de) xxiii boende(r) en(de) een dachmale gelegen in xviii stucken/ dair af dierste stuc houden(de) is iii dachmalen gelegen neven/ derve des heylighengheest van willebringen en(de) des godshuys/ goede van dalenbroec op den wech gaende ter kercken van/ willebringen weert Item dande(r) stuc houden(de) iii(½) dachmale gelegen/ opden lijcwech neven derve der weduwen goloys vander me(re)/ op deen zijde en(de) neven derve jans beckers Item iii stuc houden(de)/ ix dachmalen gelegen bijde dornestrate neven derve willems/ van bursele en(de) jans groten vors(creven) en(de) bijde goede jans roeselers/ Item iiii stuc houden(de) vii boender gelegen achter thof vors(creven) comen(de)/ opt gemeyn broec en(de) opte strate gaende van meldert te loven(e)/ weert Item v stuc houden(de) een dachmale gelegen bij thof vors(creven)/ neven derve godevarts roeloofs vors(creven) op deen zijde en(de) wouter/ sweertvegers Item vi stuc houden(de) iii boender gelegen opde velpe/ coute(r) bijde strate gaende vander sluysen te loven(e) weert en(de) des/ p(er)soens goede van opvelpe en(de) henr(ic) he(re)n clause van sinte goricx/ / ridders Item tvii stuc houden(de) i(½) dachmale gelegen neven derve des/ p(er)soens vors(creven) en(de) derve wouters de mu(n)te(re) It(em) tviii stuc houden(de) i(½) dach(male)/ gelegen neve(n) derve he(re)n claus vors(creven) en(de) wout(er)s mu(n)ters erve/ It(em) tix stuc tnegenste stuc houden(de) een boend(er) gelegen gel met/ tween zijden neven derve he(re)n claus vors(creven) Item tx stuc houd(ende)/ een boend(er) gelegen neven derve aberaens vanden kerchove/ en(de) met iii zijden neve(n) derve gielis uuten lyemi(n)gen kynde(re)/ vors(creven) Item txi[te] stuc houden(de) i boend(er) gelegen met tween zijden/ neven derve der kynde(re)n des vors(creven) giel(ise) uute(n) lyemi(n)gen/ en(de) neven derve des vors(creven) godshuys van percke Item/xi xii stuc houden(de) iii(½) dachmale gelegen neve(n) derve wille(m)s/ va(n)den putte en(de) aberaens vanden kerckhove Item txiii stuc/ houden(de) iii dach(male) gelegen neven derve h(er) claus vors(creven) ende/ wout(er)s mu(n)ters en(de) des godshuys van gempe It(em) txiiii[te]/ stuc houden(de) iii dach(male) gelegen opte mortstrate neven derve/ des heylighengheest van thienen en(de) des p(er)soens goede van/ velpe item txv stuc houden(de) ii dachmale gelegen neve(n) dlant/ der beghijnen van arscot en(de) bijde lande godevarts roelofs/ It(em) txvi stuc houden(de) iii dachmalen gelegen neve(n) derve/ absoloens vanden hove en(de) der kynde(re)n willems wilen gaus/ It(em) txvii stuc houden(de) een boend(er) gelegen op ruelenspoel neve(n)/ de lande willems vanden putte en(de) willems gaus kynde(re)/ vors(creven) Item txviii stuc houden(de) iii dachmalen gelegen tussce(n)/ der firmarien des beghijnhofs van loven(e) en(de) willems/ gaus kynde(re) Item den derden art dat nu de brake/ is houden(de) omtrent xvii(½) boend(er) en(de) xxv roeden gelege(n)/ in xiiii stucken dair af dyerste houden(de) is ix dachmale/ gelegen met ii sijden neve(n) derve he(re)n claus vors(creven) en(de) willems/ vanden putte en(de) jans beckers comen(de) metten eene(n) eynde aende/ h(er)strate Item dande(r) stuc houden(de) iii dach(male) gelegen opden wech gaende/ te loven(e) weert tusschen godevarde roelofs en(de) wille(m)me vand(en) putte/ It(em) tiii stuc houden(de) ii boende(r) gelegen opde sluystrate tusschen he(re)n/ clause vors(creven) en(de) jacope py(n)noc Item tiiii stuc houden(de) een/ boend(er) gelegen neve(n) derve godevarts roelofs en(de) [her] hubrechte/ vanaken comen(de) metten eynde neve(n) de goede der firmarie(n) vand(en)/ beghijnhove va(n) loven(e) It(em) tv stuc houden(de) v dach(male) gelegen bij torneken/ tusschen de goede h(er) hubrechts vors(creven) en(de) jans backen It(em) tvi/ stuc houden(de) vii dachmalen gelegen inde ve volbroexdelle met/ tween zijden neve(n) d(er) firmarie(n) d(er) beghijne(n) va(n) loven(e) en(de) d(er) kercke(n)/ / van meldert Item tvii stuc houden(de) v dach(male) gelege(n) bijde seven dach(male) vors(creven) en(de) des/ heylighengheest goede van willebringen Item tviii stuc houd(ende) x dach(male)/ gelegen met ii sijden neve(n) he(re)n clause vors(creven) en(de) d(er) firmarie(n) vors(creven) It(em) tix/ stuc houden(de) een boend(er) geheten quaetboend(er) gelegen neve(n) des p(er)soens/ goede va(n) willebringen en(de) h(er) clause vors(creven) It(em) tx stuc houd(ende) ii boender/ gelegen neve(n) de goede h(ere)n clause vors(creven) en(de) den wech gaende van/ honshem te bevekem wert It(em) txi stuc houden(de) iii dachmalen gelege(n) acht(er)/ thof henr(icx) impers en(de) henr(icx) scots It(em) txii stuc houden(de) i(½) dach(mael) geheten/ den hornick gelege(n) achter muyskens hof neve(n) den wech gaende te pet(er)s/ kerfhove wert It(em) txiii stuc houden(de) iii vrierdel gelege(n) neve(n) derve/ godevarts roelofs en(de) d(er) firmarien vors(creven) Item txiiii stuc houden(de) ii dach(male)/ gelegen neve(n) derve henr(icx) va(n) holsbeke en(de) des godsh(uys) va(n) s(in)te g(er)truden/ te loven(e) en(de) des heylighengheest goede va(n) thienen Item es vorw(er)de/ dat de vors(creven) wynne alle jae(re) sal moeten leve(re)n om de huysinge vand(en)/ vors(creven) hove mede te decken viii[c] grover walme(re)n en(de) so wa(n)neer/ men int vors(creven) hof aende huysinge behoeft te ty(m)meren te decken/ te metsen oft te plecken soe sal de selve wy(n)ne den wercluden den/ montcost gheven en(de) de tvors(creven) godshuys sal die dachue(re)n betalen Ite(m)/ en sal de vors(creven) wynne gheen stroe mogen betalen v(er)coopen v(er)bernen/ noch ewech gheven mer bynne(n) den vors(creven) hove te meste maken en(de)/ dmest jaerlix opt vors(creven) lant vue(re)n slants meesten proffijte en(de) nerge(re)n/ elder Item sal de vors(creven) wynne de vors(creven) lande laten te sijnen afscheiden/ also hij die vant te sijnen income(n) te weten(e) den wynt(er) art wel ende/ loflijc gewonnen en(de) besayt met wynt(er) coren gelijc den reengenooten/ Item den somer art en(de) de stortte al geheel Item sal de vors(creven) wynne/ houden alle de grachten en(de) thuynen aen derve des vors(creven) hoofs staende/ wel en(de) loflijc en(de) die also laten tsijnen afscheiden It(em) wart soe dat/ bynnen den vors(creven) hove e(n)nige scade gesciede aende huyse oft aen/ e(n)nige ande(re) zake die van des vors(creven) wynne wegen quame het/ wae(r) van brande oft anders dat [die] soude die wynne vorg(enoemt) den vors(creven)/ godsh(uyse) oprichten ter taxacien van goeden mannen hen des v(er)staende/ Item desgelix soude tgodsh(uys) va(n) p(er)cke vors(creven) den vors(creven) wynne moete(n)/ oprichten oft e(n)nige scade toequame h(et) wae(r) va(n) brande oft anders/ int vors(creven) hof van des godsh(uys) wegen oic ter taxacie(n) va(n) goeden ma(n)ne(n)/ hen des verstaende Item en sal de vors(creven) wynne den vors(creven) t(er)mijn/ due(re)nde tvors(creven) hof nyemande anders mogen uutgeve(n) sonder/(con)sent des vors(creven) godsh(uys) abts Ende alle dese vorw(er)den (et)c(etera) abs(oloens)/

pryke(re) junii ii anno lv Hier af zijn borgen des vorscr(even)/ wynne jan van meensele de jonge brued(er) des selfs wynne/ en(de) yweyn der weduwen sijn swager Et p(ri)mus cor(am)/ absoloens pryke(re) junii s(e)c(un)da