Cond zij allen lieden dat jan roelants in p(rese)ncia heeft genome(n) en(de) bekint dat/ hij genome(n) heeft vande(n) eerbe(re)n he(re)n mychiele van beringe(n) cano(n)nick va(n) camerike/ en(de) warnie(r) de pospo rintm(eeste)r der cap(it)len ald(air) thoff en(de) de goede h(ier)na genoemt/ der selv(er) cap(it)len gehete(n) thof te criecourt mette(n) huyse(n) hove(n) wynnen(de) lande bempde(n)/ eeussele(n) en(de) alle(n) de(n) toebehoirte(n) gelege(n) te laetwijc ende dair omtrint uutgesceid(en)/ den houw vand(en) bossche(n) ald(air) te wete(n) tgroot velt d(air) nu core(n) op steet acht(er)/ de bossche van criecour tussce(n) de(n) goede(n) vand(er) saert en(de) dbosch vande(n) beghine(n)/ va(n) [thiene(n)] It(em) i dach(mael) lants liggen(de) neve(n) de(n) goede(n) aertke(n) de bastaert va(n) laetwijc/ en(de) de(n) goede(n) artken de p(er)decoep(er) It(em) v dach(mael) met tarwe(n) liggen(de) tussce(n)/ janne massart en(de) aertke(n) de p(er)decoep(er) voirs(creven) It(em) drie dach(mael) met tarwen/ besaeyt aen de quade trip brugge en(de) jan massart voirs(creven) It(em) een boend(er) oft/ d(air) omtrint met spelte(n) liggen(de) neve(n) de(n) wech gaende vande(n) voirs(creven) hove/ te laetwijc weert de welke algad(er) gewo(n)ne(n) zijn op vier getidege vore(n)/ It(em) noch v dach(mael) lants die met core(n) staen tusscen de(n) wech gaende van/ pet(er)baix te laetwijc weerdt en(de) dbosch va(n) dagbeermont en(de) dat coren/ sal die ghene diet gewo(n)nen heeft nu toechste [half] indoen en(de) dand(er) helicht de/ voirs(creven) jan en(de) ten lesten jare va(n) dese(n) t(er)mijne salt de voirs(creven) cap(it)le half/ hebbe(n) en(de) de voirs(creven) jan dand(er) Te houde(n) te hebbe(n) en(de) te wy(n)ne va(n)/ inganc meye lestlede(n) eene(n) t(er)mijn va(n) xii jare(n) lang v(er)volgende elcx/ jaers darenbinne(n) om en(de) voir de so(m)me van xxxiii rijnsch(en) guld(en) oft/ de weerde d(air) af in anderen goeden payme(n)te [va(n) hande te hande gaende] alle jare tderdel dair aff te/ kersmisse tderdel d(air) af te paesschen en(de) tderdel d(air) af tsintjansmisse te/ betalen en(de) den voirs(creven) he(re)n mychiele den meest(er) des assize die de he(re)n vand(er)/ voirs(creven) cap(it)len setten selen en(de) de(n) voirs(creven) warnie(r) en(de) telke(n) t(er)mine als v(er)volchde/ schout Metter condicie(n) navolgen(de) te wete(n) dat de voirs(creven) jan roelants/ ten yersten jare niet meer dan xvi r(ijnsch) guld(en) vand(en) voirs(creven) xxxii r(ijnsch)g(ulden)/ betale(n) en sal des sal hij te(n) ande(re)n en(de) ten derde(n) jare(n) telken geve(n)/ en(de) betalen xl r(ijnsch)gul(den) ind(er) weerde(n) voirs(creven) It(em) want de he(re)n vand(er)/ voirs(creven) cap(it)len den voirs(creven) ja(n)ne roelants te sijne(n) incomen geleent hebbe(n)/ xxiiii guld(en) pet(er)s te xviii stuv(er)s stuc Soe es ondersproken dat/ hij die wed(er)om betalen sal binne(n) sesse jare(n) naestcomende te wete(n)/ alle jare vier pet(er)s dair af tot dat al betaelt sal wese(n) sond(er)/ afslach van des voirs(creven) is It(em) es vorwerde dat de voirs(creven) wynne/ de voirs(creven) goede sal houde(n) wy(n)nen werve(n) wel en(de) loflijc gelijc reengenote(n)/ bove(n) en(de) benede(n) zijne(n) voirs(creven) t(er)mijn dueren(de) en(de) de(n) someraert liggen(de)/ mette(n) eene(n) ynde aende beemde a trie tussce(n) de(n) wech die van/ criecourt gaet te pet(er)bays weert en(de) de(n) wech va(n) plantsem sal hij/ laten met eenre voren besaeyt uutgesceyden drie boend(er) erweten/ ii(½) boend(er) met crucken en(de) corte evene(n) die hij gesayt sal late(n) op twee/ / getidege vore(n) Ende de brake liggende met eenre zijde(n) aende(n) voirs(creven)/ wech gaende va(n) criecourt te pet(er)baix weert en(de) metter andere/ zijde(n) aende(n) wech die gheet van piet(er)baix te laetwijc sal hij late(n)/ al o(m)megedaen met eenre vore(n) sonder drie dachmael oft d(air) omtrint/ die hij laten sal op twee getidege voren It(em) sal de voirs(creven) wynne de/ huysinge vande(n) voirs(creven) hove dieme(n) hem wel en(de) loflijc leve(re)n sal gerep(ar)eert tussce(n)/[dit en(de) s(in)t jans(misse) naestcomen(de)] houde(n) van dan voirtane wel ende loflijc en(de) die tsijne(n) afsceyde(n) alsoe/ laten en(de) waert dat d(air) yet gebrake binne(n) de(n) voirs(creven) t(er)mijne van/ nuws gemaect te werde(n) dat sele(n) de voirs(creven) he(re)n doen doen sond(er)/ des voirs(creven) wynne(n) cost It(em) sal de voirs(creven) wynne alle tstroe vande(n) voirs(creven)/ goede(n) jaerlijcx comende int hoff bringe(n) en(de) ald(air) te meste maken/ en(de) dat mest op tvoirs(creven) lant vuere(n) tslants meesten p(ro)fite en(de) de/ selve binne(n) zijne(n) voirs(creven) t(er)mijne eens wel en(de) loflijc ov(er) m(er)gelen/ dairs van node zijn en(de) behoeve(n) sal It(em) de voirs(creven) jan sal de(n) bempde/ en(de) de fonteyne ind(en) bempt ald(air) jaerlijcx veege(n) en(de) ruyme(n) also in tijts/ dat de voirs(creven) cap(it)le d(air) bij gheen scade en(de) lide It(em) de beeste(n) des voirs(creven)/ jans selen inde bossche aldair moege(n) gaen alse die iiii jaer oudt zijn/ en(de) niet eer En(de) hij sal opde selve vorlen der selver moege(n) houwe(n)/ hout te zijnre berringe(n) behoef ter mynster scaden In(de) su(n)t fid(eiussores) gerard(us)/ et judoc(us) roelants f(rat)res d(i)c(t)i joh(annis) Et p(ri)m(us) roel(ants) opp(endorp) maii xxix