Item lambert collart voe(r) hem en(de) woutelet del follaie sijnd(er) docht(er)/ man en(de) oic jaquemar de sollemont woenen(de) torebaix [die hij in desen geloefde te v(er)vangen] in deen/ zijde en(de) jan ghielart en(de) heylwijc zijn wijf weduwe reyners/ wilen le husteal die tot des na bescreven es oic geloefden/ te v(er)vangen henr(icke) en(de) paesschen kynde(re) des selfs wilen/ reynarts ond(er) hue(r) daghe(n) wezen(de) in dande(re) Sijn/ met malcande(re)n eensworden en(de) ov(er)come(n) alse van dien mudde/ terwen en(de) ond(er)halve(n) mudde rox die de vors(creven) gehuyse/ gecregen hebben op zeke(r) goede en(de) ond(er)pande torrebaix te/ orbaix gelegen die de vors(creven) p(er)sone houden(de) zijn tot/ behoef vand(en) vors(creven) tween o(n)mu(n)digen kynde(re)n voerde/ welke de vors(creven) gehuyse van wege(n) der selver kynde(re)n de/ ond(er)pande meynden nader bancke(n) recht uutgewonnen te/ hebben ind(er) manie(re)n hier na v(er)claert Te weten(e) dat de vors(creven)/ kynde(re) en(de) de vors(creven) gehuysche van hue(re)n wegen van nu/ vortane begynnen(de) ts(ente) andries messe naestcomen(de) en(de) alsoe/ vort den vors(creven) erfpacht heffen en(de) boren zullen op/ alle de ond(er)pande d(aer) voe(r) gheset na inhout vand(er)/ yersten brieven opden selven erfpacht gemaect die de/ vors(creven) lambert hier mede gekint heeft goedt en(de) van/ weerden te wesen Ende alse vand(en) achterstelle vanden/ vors(creven) co(m)mer erfpachte met coste en(de) co(m)mer die de vors(creven)/ gehuyse tot noch toe d(aer) o(m)me geleden [moge(n)] hebben sijn/ de vors(creven) p(ar)tien ov(er)comen dat daer voe(r) de vors(creven) lambert/ met sijnen medeplichte(re)n den vors(creven) gehuyschen gheve(n)/ sal [t(er) stont] een mudde terwen i(½) mudde rox en(de) iii d(er) mate(n)/ va(n) loven(en) en(de) iii(½) clinckars te xiiii stuv(er)s tstuc tvors(creven) greyn tot/ orbaix te leve(re)n des sullen de vors(creven) gehuyssche geve(n)/ den meye(r) m(ijns) he(re)n van p(er)weis tot orbaix eene(n) clinckart/ ind(er) weerden vors(creven) en(de) de vors(creven) lambert met sijnen mede/ plichte(re)n sal gheven den meye(r) arnts van geldenake tot/ orbaix viii stuv(er)s voe(r) sijne(n) cost van twee dagen die/ hij mits d(er) vors(creven) sake(n) hier te loven(en) gemoeyt es geweest/ p(ro)mitt(ens) ratu(m) cor(am) kersmake(re) oppen(dorp) aug(usti) iii