[Item] uut dien dat seke(re) gescille opverstaen was tusschen den prochiaen en(de)/ kercmeesters van sinte mychiels bynnen loven(en) in deen zijde ende/ de bruedermeesters van sinte mychiels aldaer in dande(re) om des/ cresdoms wille op wat outaer [in] der selver kercken men dat stellen soude/ ter tijt alst van luydic wordt gebracht en(de) vort tot sinte peters/ te loven(en) gehaelt ende meer ande(re) gescille(n) So heeft de raet/ vand(er) stat de vors(creven) p(ar)tien v(er)leken inder manie(re)n en(de) voeghen hier/ na v(er)claert Yerst dat tvoirs(creven) cresdom vortane gesedt sal worde(n)/ opden outaer van sinte mychiels gelijc dat van oudts gecostumeert/ es Item dat de vors(creven) prochiaen opden dach datmen sinte mychiel/ o(m)me draeght de messe doen sal met dyaken en(de) subdyaken en(de)/ dies sal hij hebben eene gelte ryns wijns en(de) i scotele spysen/ Item de vors(creven) prochiaen sal hebben vanden vors(creven) brued(er)meesters/ sesen(de)twintich stuv(er)s tsjaers tot eene(n) cappruyn laken(en) ende/ mits dien sal der vors(creven) brued(er)scap volghen den offer die/ aldaer ten outare compt uutgenomen de hoeghgetide dat/ den vors(creven) prochiaen dofferande volghen sal also van outs/ costume es geweest Actum in pleno (con)silio aug(usti) iiii cum/(con)sensu p(ar)tiu(m)