It(em) want claes de kersmake(re) die voer meye(r) en(de) scepen(en) va(n) lov(en) gevo(n)nist/ heeft zeke(r) scepen(en) brieve va(n) loeven(en) op lodewijke uute(n) lyemi(n)ge(n) en(de) jouffr(ouwe)/ ka(tli)[ne(n)] sgruyt(er)s sijne(n) wijve rue(re)nde va(n) gelufte(n) va(n) waerscape en(de)/ genoech doene die zij de(n) s voirs(creven) claese gedaen hebbe(n) va(n) ii boend(er)/ beemps geleg(en) te beetse bijde gemeyn strate naest de(n) goede(n) wout(er)/ h(er)mans desgelijcx van i stuck beemps geleg(en) op dand(er) zijde vand(er)/ voirs(creven) strate(n) naest d(er) schue(re)n gheerts mu(n)ten en(de) tvo(n)nisse gewijst/ heeft de(n) voirs(creven) lodewijke en(de) sijne(n) wijve dach gedaen te wordde(n)/ Soe eest dat de voirs(creven) claes op heden als dach va(n) rechte de(n) voirs(creven)/ lodewijke gedaen alsoe de voirs(creven) claes dat bethoende op gedaen/ heeft zijn gebreck vand(er) voirs(creven) gelufte(n) va(n) genoechdoen Te/ wete(n) dat de voirs(creven) jouffr(ouw) ka(tli)[ne] inde voirs(creven) goede niet gericht/ en wae(r) da(n) alleene huer leefdage lanck bij seke(re)n besceide dat/ hij p(rese)nteerde voirtebringe(n) op dat hij p(ar)tije hadde versueken(de) om/ deswille dat de voirs(creven) lod(ewijck) niet en (com)paereerde dat hem zijn/ voirs(creven) gebreck voldaen en(de) gecuelt wordde D(aer) op de scepen(en) va(n) lov(en)/ gemae(n)t hebbe(n) gewijst met vo(n)nisse soe wair de voirs(creven) lodewijck op/ hede(n) in rechte niet en q(ua)me dat hij gehoud(en) zijn soude te(n) voirs(creven)/ claese zijn voirs(creven) gebreck te cuele(n) en(de) te voldoene p(rese)ntib(us) o(mn)ib(us) de(m)pto/ kersmake(re) oct(obris) xix