Item willem van coelhem die van coenrarde van meus op/ heden voe(r) meye(r) en(de) scepen(en) va(n) loven(en) bescreven was met seke(re)n/ scepen(en) brieve(n) die de selve coenrart opden selven wille(m)me gevo(n)nist/ hadde heeft hem op den dach van heden gep(rese)nteert tegen/ den vors(creven) coenrarde die de voer ogen niet en quam te rechte/ te stane p(rese)ntib(us) o(mn)ib(us) scabinis dempto kersmake(re) no(vembris) xvi