SAL7348, Act: V°151.4-R°152.1 (278 of 662)
Search Act
previous | next
Act V°151.4-R°152.1  
Act
Date: 1454-11-15

Transcription

2019-04-08 by Jan Boncquet
Also als in twiste en(de) gescille voir de(n) rade vand(er) stad come(n) zijn malc/
jegen ande(re)n roelof van berthem die uut machte va(n) zeke(re)n scepene(n)/
brieve(n) va(n) loeven(en) va(n) p(ri)vate(n) so(m)me(n) va(n) pe(n)ninge(n) geleit es tot de(n) goede(n)/
have en(de) erve s(er)vaes zeghers in deen zijde en(de) de voirs(creven) s(er)vaes in/
dande(re) alse van sekere(n) leeninge(n) en(de) uutgevinge(n) die de voirs(creven) roelof
//
soe voir de(n) voirs(creven) s(er)vase soe he(m) selve(n) in zijne(n) hande(n) in grayne gelde/
en(de) anders gedaen hadde ende van sekere(n) betalinge(n) die d(aer) op wed(er)om de/
voirs(creven) s(er)vaes de(n) selv(en) roelove in gelde corne al arbeyde en(de) and(er)s hadde/
gedaen clagende de voirs(creven) s(er)vaes dat hij vande(n) voirs(creven) roelove tot/
gheene(n) besceyde en conde geraken Te kinne(n) gevende de voirs(creven) roelof/
ter ander zijde(n) wes besceyde hij de(n) voirs(creven) s(er)vase dede en(de) begherde/
te doen dat hij nochta(n) van hem niet geraken en conde noch met/
voldoene gestaen Biddende den rade vand(er) stad datme(n) zijn waerheit/
die hij hadde van eenre yndeliker rekeni(n)gen tusscen hen beyden/
cortelinge gesciet verhoiren woude en(de) dat hij met voldoen oft vol/
daen te hebben mochte gestaen P(rese)nterende te thoene(n) met janne van/
beert ende janne zegers brued(er) des voirs(creven) s(er)vaes dat hij mette(n) voirs(creven)/
s(er)vase vergadert was in s(in)te symoens en(de) inden avonde lestlede(n)/
te zijne(n) huys dair zij rekenden va(n) alle tgene des deen mette(n) ande(re)n/
mocht hebben uutstaende tot dien dage van leeni(n)gen van coirne/
ghelde van varene mesten arbeyden oft and(er)s in e(n)nig(er) maniere(n) Dair bevonde(n)/
was dat de voirs(creven) s(er)vaes de(n) voirs(creven) roelove sculdich was c ii pet(er)s en(de)/
vii stuv(er)s en(de) des de voirs(creven) s(er)vaes d(aer) op hadde gedaen oft gegeve(n) gedroech/
xciii pet(er)s xiii d(enieren) openbaerlijc versproke(n) was dat met allen buyte(n) bleve(n)/
de scepen(en) brieve des voirs(creven) roelofs d(aer) hij voe(r) geleit was en(de) dat d(aer)aff/
niet en waert gerekent Dair zij te(n) utersten na zwaricheit van/
die zij maecte(n) van berouwe te behouden(e) in beyde(n) zijde(n) de p(ar)tie(n) geloofde(n)/
met dier rekeni(n)ge(n) voir de(n) toecomen(de) tijt in wed(er)zijden te vrede(n) te zijne/
en(de) dier na te volge(n) sond(er) and(er)s d(aer) na te moege(n) inbringe(n) hopen(de)/
de voirs(creven) roelof wair hij die poente gethoene(n) conste dat hij met/
dier rekeni(n)ge(n) soude gestaen dwelc de voirs(creven) s(er)vaes ontkinde alsoe/
gedaen te zijne meynen(de) dat div(er)se poente bute(n) rekeni(n)ge(n) ware(n) bleve(n)/
So waert h(ier) op te(n) ut(er)sten aengehoirt de reden(en) va(n) p(ar)tie(n) te beyde(r) zijde(n)/
en(de) de conde der voirs(creven) ii getuge(n) op huere(n) eedt die droege(n) volcomelic/
des voirs(creven) steet dat de voirs(creven) roelof metter voirs(creven) rekeni(n)ge(n) gestaen soude/
en(de) dat p(ar)tien dier navolgende malcande(re)n soude(n) voldoen p(rese)nt(ibus) abs(oloens)/
dyeve(n) et pl(ur)ib(us) scab(inis) et (con)s(ilio) no(vem)[b(ris)] xv
Contributorskristiaan magnus
Moderated bykristiaan magnus
Last update: 2016-10-25 by Xavier Delacourt