Item jouffruwe margriete weduwe willems wilen spechts die met/ scepen(en) brieve van loven(en) geleit es tot allen den goeden beyde have/ en(de) erve willems wilen mas en(de) bertelmeeus van herbaix hue(r) behuwede/ sone in p(rese)ncia hebben verhuerdt en(de) bekint dat zij v(er)huerdt hebbe(n)/ janne vanden payne tgoet te molenbeke metten hove(n) wynnen(de)/ lande beempden eeuselen waranden met allen den toebehoerten soe/ v(er)re de vors(creven) wilen willem mas die goede aldair te houden plach/ Te houden en(de) te hebben van kersmisse lestleden alsoe lange als de/ vors(creven) jouffr(ouwe) m(ar)griete leven zal alle jae(re) o(m)me thien rijders oft/ de weerde dair af en(de) twee clinckarde te xiiii st(uvers) tstuc te kersmesse/ te betalen der vors(creven) jouffr(ouwe) m(ar)griete(n) quolib(et) ass(ecutu)[m] It(em) es vorweerde/ dat de stucken die hier af verhuerdt zijn sullen verhuerdt bliven/ hue(re)n t(er)mijn lanc maer de vors(creven) jan sal die hue(r) dair af heffen/ ende wart dat den selven janne van e(n)nigen der selver goede/ ongebruyc geschiede also dat hem die ontginge so es vorw(er)de dat/ de vors(creven) jouffr(ouwe) m(ar)gr(iete) hem hier af afslach doen sal aende/ betalinghe jaerlix ten v(er)sueke prijse van goede(n) ma(n)ne(n) hen/ des verstaende En(de) alle dese vorw(er)de(n) (et)c(etera) oppen(dorp) m(er)cels no(vembris)/ xxvii