SAL7348, Act: V°188.4 (330 of 662)
Search Act
previous | next
Act V°188.4  
Act
Date: 1454-12-20

Transcription

2019-08-17 by Jan Boncquet
It(em) op tgescille dat was tussche(n) rase va(n) creynwijck op deen zijde/
en(de) henricke coulon in dande(re) om der coste wille die de voirs(creven) raes/
den voirs(creven) henricke heyscende was uut ocsuine vand(en) gedinge dat/
onlancx heeft gehange(n) voir meye(r) en(de) scepen(en) va(n) loven(en) en(de) oeck/
omder vruchten wille van eene(n) hove gelegen voir de woni(n)ge/
des voirs(creven) raes aend(en) wech gaende van s(in)[te] jans gheest te/
geldenac wert dair af de voirs(creven) henric deen heelicht heiscen(de)/
was uut ocsuyne vand(en) beleide dat hij heeft op de goede goffarts/
le carpenthier Es getermineert en(de) bij consente der voirs(creven)/
p(ar)tien geappoenteert dat de voirs(creven) heelicht vand(en) vruchte/
tott(er) and(eren) heelicht den voirs(creven) rase als ploechrecht toebehoren(de)/
de(n) selve(n) rase toebehoere(n) sal en(de) dat de voirs(creven) henric hem/
d(aer) af sal warrant sijn aen gielson daymoysel ja(n)ne/
coulon en(de) eene(n) yegelijcken en(de) tot dien de(n) selve(n) rase/
i betailen eene(n) pet(er) en(de) hem lossen en(de) restituere(n) de costen/
va(n) den voirs(creven) goffairde aen janne boene voirste(r) en(de) mids/
dien sal de voirs(creven) henric vand(en) voirs(creven) coste(n) vand(en) gedinge ongehoud(en) zijn/
act(um) in pleno consilio decembr(is) xx
Contributorskristiaan magnus
Moderated bykristiaan magnus
Last update: 2016-10-25 by Xavier Delacourt