It(em) marck strikers en(de) paessche strikers sijn zwage(r) beyde vand(er) scoend(er)bueke(n)/ in p(rese)ncia hebbe(n) genome(n) en(de) bekint dat zij genome(n) hebbe(n) van/ he(re)n gielijse de rode meeste(r) pete(r) va(n) thiene(n) en(de) h(ere)n janne kemel/ canonicken der kerke(n) va(n) sente pet(er)s te loeven(e) terdel vand(er) g(r)[o]ter thiende(n)/ te sichen(e) d(er) cap(it)len toebeh(oerende) Te houde(n) en(de) te hebben va(n) sint jansmisse/ naestcomen(de) i t(er)mijn va(n) vi jare(n) lang v(er)volgen(de) elx jaers om liiii r(insch) gul(den)/ te xix st(uvers) stuc alle jare tderdel d(aer) af te kers(misse) tderdel te paessce(n) en(de)/ tderdel tsintjans(misse) te betale(n) en(de) te loeven(e) te leve(re)n de(n) voirs(creven) he(re)n vra(n)cken/ moens oft andere(n) rintm(eeste)r d(er) cap(it)len te(n) tide zijnde It(em) sele(n) de voirs(creven)/ marck en(de) paessche tderdel vander schuere(n) ald(aer) houde(n) huere(n) voirs(creven)/ t(er)mijn dueren(de) wel en(de) loflijc va(n) wande en(de) va(n) dake en(de) die late(n)/ te huere(n) afscheyde(n) also zijse vynde(n) sele(n) te huere(n) incomen velde/ m(er)cels ja(nuarii) xiiii