Also voirtiden voir de(n) rade vand(er) stad questie geweest heeft/ tussce(n) de(n) scouth(eit) va(n) rosendale gehete(n) jan va(n) ov(er)hoff in deen/ zijde en(de) joese diericx sone in dande(re) van div(er)sen poenten/ va(n) gescillen ende de sake vande(n) costen d(aer)inne gedaen en(de) gelede(n)/ ter eenre zijde(n) en(de) t(er) ande(re) va(n) getugen ende anderssins bleeff/ berustende onbeslicht op hope dat de voirs(creven) p(ar)tie(n) d(aer) af soude(n)/ hebbe(n) moege(n) v(er)lijken des alsoe niet en heeft co(n)ne(n) gescien/ Sijn opde(n) dach va(n) hede(n) de voirs(creven) p(ar)tie(n) d(aer) om geweest voir/ de(n) rade vand(er) stad beghe(re)nde vande(n) voirs(creven) coste(n) te weten/ wes d(aer) af zijn soude Dair op de raed vand(er) stad yerst/ gevisenteert eysch en(de) v(er)antwerden de div(er)siteit vande(n) ar(ticu)[le(n)]/ vande(n) gescille den thoenissen en(de) t(er)mi(n)acie(n) d(aer) op gehoirt en(de)/ gedaen voirt uutgesproke(n) heeft dat de voirs(creven) scouth(eit) de/ coste(n) van zij(n)re zijden geleden en(de) die hij hadde v(er)leecht te/ zijne(n) laste draghen soude en(de) restitueren de(n) voirs(creven) joese/ de helicht vande(n) coste(n) va(n) rechte die hij int v(er)volch/ vand(er) p(ri)ncipaeld(er) saken hadde gehadt t(er) estimacie(n) vand(er)/ stad oft zij d(aer) inne discordeerden en(de) d(aer) mede gestaen/ en(de) dat de voirs(creven) joes dand(er) helicht van zijns selfs/ coste(n) va(n) rechte draghe(n) sal Act(um) in pleno (con)silio ja(nuarii) ult(ima)