SAL7348, Act: V°321.4 (553 of 662)
Search Act
previous | next
Act V°321.4  
Act
Date: 1455-04-29

Transcription

2020-11-06 by Jan Boncquet
Tvo(n)nisse vande(n) gedinge dat voir meye(r) en(de) scep(enen) va(n) loeven(e) geweest/
is tussce(n) janne loenijs in deen zijde en(de) jouffr(ouwe) magdalene(n) zij(n)re suste(r)/
weduwe diericx wilen van langrode zijnre sust(er) in dande(re) alse va(n)/
vier rijd(er)s lijfpensien dieme(n) jaerlijcx sculdich is janne de pape dair/
anthonis va(n) langrode p(ri)ncipael af is en(de) de voirs(creven) jan borghe welke/
borchtocht hij dede alsoe hij seyde ter beden des voirs(creven) diericx/
en(de) de voirs(creven) zijn suster hadde hem d(aer) af gelooft tontslane/
en(de) tontlasten dwelc hij boot te thoenen dair voir hij huer/
aensprac Vande(n) welke(n) de voirs(creven) zijn sust(er) hielt de (con)trarie/
en(de) meynde dat de voirs(creven) hue(r) brueder de voirs(creven) gelofte bij/
huer gedaen ne(m)mermeer thoene(n) en soude mair p(rese)nteerde/
oft huer de selve hue(r) bruede(r) uut saken vande(n) voirs(creven) brieve/
oft and(er)s dan midts der voirs(creven) gelofte(n) aen te spreken/
hadde dat hij dat dade met rechte Was gewijst met dese(n)/
woerde(n) na aensprake en(de) v(er)antwerde(n) va(n) beyde de(n) p(ar)tien/
en(de) thoenisse des voirs(creven) jans die zijns v(er)mets niet en/
volquam dat de voirs(creven) weduwe ongehoude(n) zijn sal va(n)/
alsulker aenspraken als hij te huerweert gedaen hadde/
op de p(rese)ntacie voirs(creven) cor(am) eisd(em)
Contributorskristiaan magnus
Moderated bykristiaan magnus
Last update: 2016-11-08 by Xavier Delacourt