It(em) den yerste(n) houw va(n) dese(n) sal sijn sneve(n)bosch en(de) tdorneke(n) de(n) andere(n)/ de gheesbeke aen tslecke(n) streetken den derden de baenhoevel groot/ en(de) cleyn den vierden tvorste vande(n) haselberge den v[te(n)] den ande(re)n haselb(e)rge/ den sesten den hulsberch den vii[te(n)] dove(n)hage cleyn en(de) groot en(de) de(n)/ viii[te(n)] es de(n) wat(er)vlaesch en(de) tsgreve(n)huysken en(de) de ghemp(er)hage ende/ van elke(n) houw selen de payen vallen te xvi pet(er)s dboend(er) te(n) t(er)mijnen/ voirs(creven) niet wed(er)staende de gelofte(n) voirs(creven) en(de) voir thoegen vande(n)/ voirs(creven) goede(n) selen de voirs(creven) p(er)sone betalen voir elc boend(er) i(½) pet(er) deen/ helicht d(aer) af tsintjansmisse bap(tis)[te(n)] naestcomen(de) en(de) dand(er) helicht d(aer) af/ te bamisse v(er)volgende It(em) es vorwerde oft e(n)nich binnen de(n) tide va(n)/ desen houwen aflivich worde dat zij alt(oes) ande(re) goede p(er)sone in die stad/ sette(n) selen en(de) oft niet genoech aldus v(er)borcht en ware dat zij/ ter manissen des voirs(creven) he(re)n jans noch d(aer) toe alsulke(n) p(er)sone(n) sette(n) sele(n)/ dat m(ijn) hee(re) des billike(n) te vrede(n) sal moege(n) zijn It(em) alle opgaende/ hout het zij eycken kersele(re)n bercken oft elsen dat boven tscaerhout/ out is sal blive(n) staende sond(er) sleene(n) oft afhouwe(n) en(de) men sal soe/ vele houts late(n) staen dat me(n) loflijc d(aer) mede elke(n) houw bevreden/ sal moege(n) nae behoefte en(de) gewoente va(n) bevreden en(de) men en/ sal gheen laeteycke late(n) staen It(em) yegelijc vande(n) voirs(creven) drie/ p(er)sone(n) sal jaerlijcx op elc boender van desen inde sprute(n)/ moete(n) bevrede(n) ende wercken eene(n) dach It(em) es vorwerde datme(n)/ jaerlijcx thout vande(n) bossche geruymt sal hebben tsint jansmisse/ also dat dair costumelijc is cor(am) eisd(em)