Alsoe zeke(r) gescille geweest is voe(r) den raide vand(er) stat tusschen/ henricke vanden vynne janne molenpas en(de) pete(re)n soetmont die/ in div(er)sen manie(re)n met scepen(en) brieve(n) va(n) loven(e) over eene wile leden/ comen zijn totten goeden van eleshem jouffr(ouwe) johanne(n) van lathem/ en(de) hebben vander selver joufr(ouwe) warantscap vanden selven/ goeden in deen zijde en(de) woute(re)n van laethem geleit sijnde totden/ goeden jonch(e)r gielis hee(re) van gheete van hierge en(de) va(n) byoul in/ dande(re) om eenen beleit brief dair mede raes wilen van/ graven geleit was van voe(r) en(de) comen tot den goeden vors(creven) der/ vors(creven) jouffr(ouwe) liggende ond(er) de stat en(de) aldair gebracht bijder/ stat co(m)missarise die vand(er) stat wegen gesonden wae(re)n ten huyse/ des vors(creven) wilen raes alse hij aflivich was worden om zijn/ have in hue(re)r p(rese)ncien te wordden geinventarieert den welken/ de vors(creven) wout(er) meynde dat hem en(de) sijnen beleide vorscr(even)/ sculdich wae(r) te volgen want hij in des vors(creven) wilen raes huyse/ / en(de) sloote was gevonden en(de) bij div(er)sen ande(re)n reden(en) en(de) circonstancie(n)/ die hij dair toe alligeerde Vanden welken de wederp(ar)tie hielden de/ contrarie en(de) meynden dat den selven brief also was vonden/ en(de) in sulker plaetsen en(de) dat oic de vors(creven) jouffr(ouwe) van/ lathem tgebruyc vanden vors(creven) brieve en(de) oic goeden also hadde/ gehadt dat hue(r) en(de) nieymant anders dien toebehoerde/ Men en soude oic ny(m)mermeer bevinden dat zij den selven/ rase yet sculdich was bleven en(de) myts dat zij totten vorscr(even)/ goeden als vorg(eruert) is comen wae(re)n en(de) de vors(creven) jouffr(ouwe) die/ hue(r) dier hadde ombesthent tot hue(re)r lieden behoeff/ begeerde datmen dien soude a(n)nichelle(re)n also geregistereert/ steet ond(er) ons quarta febr(uarii) lib(r)[o] liii Soe v(er)sochten zij/ datme(n) den selven brief te nyeute dade op dat nieman(t)/ dair mede e(n)nich hynder en wordde gedaen Dair om/ eest dat als in deser saken vast veele spraken/ geweest wae(re)n dair inne men gevoelde dat de/ vors(creven) wout(er) luttel rechts totten vors(creven) brieve en(de) goeden/ hadde en(de) vorts dat de vors(creven) jouffr(ouwe) alleene sochte/ hue(r) erfgename(n) vanden vors(creven) goeden geheelic te onterve(n)/ men gepijndt heeft bij manie(re)n van myddel dair toe te/ tenderen en(de) te v(er)siene also v(er)re alst vueghlic was om/ doen dat derfgenamen der vors(creven) goeden vanden pe(n)ninge(n)/ vanden cope der vors(creven) goeden comen(de) hier namaels te/ bat mochten hebben uutden welken e(n)nige gedeputeerde/ vand(er) stat raide tusschen den vors(creven) henr(icke) vand(en) vynne/ en(de) sijnen medep(ar)tien t(er) eend(er) en(de) d(er) vors(creven) jouffr(ouwe) van/ laethem ter ande(r) sijden vand(er) stat wegen een appoin/ tement hebben gemaect hoe waile dat de vors(creven) henric/ meynde dat de vors(creven) jouffr(ouwe) veele meer in hem/ wae(r) gehouden dan de bate vanden vors(creven) goede(n) gedroege/ dat de vors(creven) jouffr(ouwe) van laethem tot hue(re)r bijleni(n)ghen/ behoef en(de) na hue(r) tot behoef van hue(re)n erfgenamen/ vanden pe(n)ningen des coops vand(en) vors(creven) goeden voir al/ volgen zullen uut des copers handen om tot d(er) ordina(n)cie(n)/ vand(er) stat die aengeleeght en(de) bekeert te wordden drie/ hond(er)t en(de) vijftich peters te xviii st(uvers) tstuc Ende als die/ op heden ind(er) stat wissel gestelt wae(re)n ind(er) manie(re)n vors(creven)/ overdroegh de raet vand(er) stat notabelic v(er)gadert/ dat men den vors(creven) beleit brief a(n)nichele(re)n en(de) te nyeute doe(n) soude/ / alsoet geschiet is hier inne v(er)sien dat gheen der vorscr(even)/ jouffr(ouwen) erfgenamen in nacomen(de) tijden proffijt d(er) vors(creven)/ pe(n)ningen hebben en sal ten zij dat sij [hij] volcomentlic en(de)/ al te male v behoerlic v(er)thijde van allen den rechte/ actie en(de) aensprake die hij totten selven goeden mach/ hebben in e(n)niger manie(re)n cor(am) abs(oloens) dyeve(n) burg(imagist)[ris] et/ plurib(us) aliis de (con)silio januarii xx ultima