Cond zij alle(n) liede(n) dat joerden gielijs in p(rese)ncia heeft genome(n) en(de)/ bekint dat hij genome(n) heeft van h(er) claes va(n) hontoys deken va(n) dyna(n)t/en(de) h(er) woute(r) van hoeye mo(n)nic der kerke(n) va(n) hebbende des volcomen(en)/ p(ro)curacie vande(n) he(re)n abt en(de) co(n)ve(n)t des goidsh(uys) va(n) walchour thoff/ en(de) de wy(n)ni(n)ge des selfs goidsh(uys) gelijc tselve goidsh(uys) die heeft inde(n)/ dorpe van rosieres n(ot)re dame metten huyse(n) hove(n) wy(n)nen(de) lande en(de)/ alle(n) ande(re)n toebehoirte(n) soe v(er)re hij die noch gehoude(n) heeft en(de)/ de wy(n)ne ald(air) voirtijts in pechtinge(n) gehoude(n) heeft Te houde(n) te/ hebbe(n) en(de) te wynne(n) vande(n) vi[te(n)] dage va(n) julio a[nno] xiiii[c] xlix lest/ lede(n) eene(n) t(er)mijn va(n) xii jare(n) lang vervolgen(de) bij also dat zij van malc/ ande(re)n scheide(n) moege(n) te wete(n) de he(re)n van sesse jare(n) te sesse jare(n)/ en(de) de wy(n)ne va(n) drie jare(n) te drie jare(n) bij also dat de ghene/ die also sceyden wilt dat de(n) ande(re)n scul(dich) sal zijn te condige(n) een/ half jaer te voe(re) Te houde(n) te hebben en(de) te wynne(n) voir en(de) om/ de helicht va(n) alle(n) de(n) vruchte(n) d(air) op jaerlijcx wassende dieme(n)/ opde velde van schoeve te schoeve deylen sal en(de) de wy(n)ne sal/ alt(oes) sculdich zijn die te vuere(n) int dorp voirs(creven) de(n) yerste(n) wage(n)/ gelade(n) voir tvoirs(creven) goids(huys) in eenre schuere(n) d(air)t de(n) he(re)n gelieve(n)/ sal en(de) de(n) ande(re)n voir de(n) wy(n)ne en(de) also voirt alle jae(re) de(n) voirs(creven)/ t(er)mijn duerende te deylen va(n) schoeve te schoeve en(de) va(n) stucke/ te stucke i tot dat alle de goede jaerlijcx ind(en) schuere(n) sijn sele(n)/ int dorp voirs(creven) It(em) sal de voirs(creven) wy(n)ne de voirs(creven) lande sijne(n) t(er)mijn/ dueren(de) houde(n) wy(n)ne(n) en(de) werve(n) wel en(de) loflijc gelijc reengenote(n)/ bove(n) en(de) benede(n) en(de) die te besaeyen te(n) behoirlijken tide met goede(n)/ loflike(n) zade It(em) sal de voirs(creven) wy(n)ne allet stroe vande(n) voirs(creven)/ goede(n) en(de) groter thiende(n) ald(air) comen(de) int hof bringe(n) met zijne(n)/ beeste(n) ette(n) en(de) te meste make(n) en(de) dmest d(air) af op de voirs(creven) lande/ vuere(n) te(n) beste(n) p(ro)fite sond(er) die e(n)nichssins tontvremde(n) wechte/ geve(n) te v(er)coepe(n) oft te v(er)bernen It(em) sal de voirs(creven) wy(n)ne te he(m)w(er)t/ hebbe(n) en(de) gebruycke(n) zijne(n) voirs(creven) t(er)mijn dueren(de) alle de huysi(n)ge/ vande(n) voirs(creven) hove uutgesceyde(n) dblochuys dat de he(re)n te henw(er)t/ behoude(n) It(em) sal de wynne alle jare zijne(n) t(er)mijn duerende int/ voirs(creven) hof leve(re)n v[c] walme(re) goede en(de) cusber vande(n) voirs(creven) goede(n)/ comende om de huysinge jaerlijcx mede te decken en(de) alsme(n)/ dair dect oft plect so sal de wy(n)ne de(n) wercliede(n) de(n) montcost/ gheve(n) en(de) de he(re)n de dachueren betalen Ende de wy(n)ne sal/ de huysinge vande(n) hove houde(n) zijne(n) t(er)mijn dueren(de) vand(en) und(er)ste(n)/ rijkele(n) nederw(er)t en(de) van de vorste(n) te plecke(n) en(de) te houde(n) in/ goede(n) state en(de) die te late(n) tsijne(n) afscheyde(n) gelijc hijse vandt te
//
zijne(n) income(n) It(em) sal de voirs(creven) wy(n)ne betale(n) alle de corweyen die tvoirs(creven)/ hof jaerlijcx sculdich is en(de) oec de(n) he(re) va(n) p(er)wez v(er)nuege(n) va(n) zij(n)re voechdie(n)/ sond(er) afslach van des voirs(creven) is It(em) sal de voirs(creven) wy(n)ne iii oft iiii w(er)ve(n) des/ jaers sculdich zijn tontfane en(de) te herberge(n) m(ijn) he(re) de(n) abt de he(re)n vand(er)/ kerken voirs(creven) oft hue(re)n geco(m)mitteerde(n) en(de) hen te leve(re)n vier have(n) broot/ vleesch en(de) hoppe t(er) goed(er) wijs mair sij selen hue(re)n wijn betalen It(em) de/ voirs(creven) wy(n)ne en sal noch en mach binne(n) de voirs(creven) tide gheen/ ande(re) goede meer aenverde(n) om te wy(n)ne(n) dan voirs(creven) zijn sond(er) (con)se(n)t/ d(er) he(re)n voirs(creven)oft huere(n) geco(m)mitterde(n) It(em) [mach] de voirs(creven) wynne afhouwe(n)/ loecke en(de) duerne tijtveerdich zijnde om te vermaken de goede/ voirs(creven) sond(er) te arge(re)n boeme oft ande(re) vruchte(n) en(de) mach v(er)droechde/ willegen uutrode bij alsoe dat hij voir elke v(er)droechde sal sette(n)/ twee poote(n) vande(n) selve(n) aerde It(em) sal de wy(n)ne jaerlijcx voir/ uut hebben iiii boend(er) ronts grayns in eene(n) stucke op dat groot/ genoech is en(de) hij sal noch hebbe(n) alle jare alle de hoeve bog(ar)de/ bempde eeussele voir ute des sal hij die late(n) tsijne(n) afsceyde(n)/ wel gegrecht en(de) beslote(n) It(em) de voirs(creven) wy(n)ne en sal niet schuldich/ sijn thiende te gheve(n) van zijne(n) gedeelte noch va(n) des hij voir/ uute heeft inde(n) velde oft inde(n) dorpe voirs(creven) en(de) de voirs(creven)/ wy(n)ne sal hebbe(n) alle jare sesse mudde core(n)s voir zijn zaetcore(n)/ uutgesceyde(n) te(n) yerste(n) jare It(em) de voirs(creven) wy(n)ne sal jaerlijcx sculd(ich)/ zijn de g(r)[o]te thiende te vuere(n) in e(n)nige schuere binne(n) de(n) dorpe/ voirs(creven) dairt de(n) he(re)n voirs(creven) oft hue(re)n p(ro)cur(ators) gelieve(n) sal en(de) die in/ te drage(n) en(de) te tassen metten thiendene(re) also in tijts dat/ de(n) goidsh(uys) d(air) bij gheen schade en gesciede en(de) d(air) voe(r) sal hij/ hebben caf en(de) crijnssen en(de) de helicht vande(n) ronde(n) grayne/ vand(en) voirs(creven) thienden comen(de) en(de) vande(n) hoye vand(en) selv(en) thiend(en)/ comen(de) sal hij oec hebbe(n) des sal dmest d(air) af comen(de) wed(er)om/ come(n) int hoff voirs(creven) It(em) sal de voirs(creven) wy(n)ne te sijne(n) leste(n) jare/ late(n) de wynni(n)ge voirs(creven) in sulke(n) state als hij die vant te zijne(n)/ incomen(e) En(de) is te weten(e) dat de wy(n)ne de goede vandt bevrucht/ so dat behorde en(de) he(m) waert geleent tshe(re)n voirs(creven) gedeelte/ jege(n) warnier ha(n)noulle loepen(de) in grayne wel bereyt xxiii m(ud)[de]/ viii dos(ynen) corens vi m(ud)[de] tarwe(n) vi m(ud)[de] spelte(n) xii m(ud)[de] evene(n)/ en(de) xii m(ud)[de] hav(er)meels It(em) waert he(m) noch geleent voir de/ helicht vande(n) g(r)[o]te(n) hove beloepen(de) xi schoeve xxxiii bussele(n)/ hoys insdeels bevrucht met vlasse en(de) insdeels met veetche(n)
//
de welke hij tsijne(n) leste(n) jare te uutgane also d(air) late(n) sal en(de) wed(er)/ levere(n) Bij alsoe oft deen helicht vande(n) vruchte(n) niet en v(er)stringde(n)/ de so(m)me(n) vande(n) presten voirs(creven) dat dan de wy(n)ne voirs(creven) dat gebrec vol/ doen sal en(de) oft bet(er) ware dat soude de(n) voirs(creven) wy(n)ne toebehoire(n) It(em) de/ wy(n)ne sal de myvore late alsoe hij die vandt It(em) de voirs(creven) wy(n)ne sal/ tsijne(n) uutgane bove(n) des voirs(creven) steet gheve(n) en(de) betalen alsulke xiii m(ud)[de]/ so spelte evene en(de) hav(er)meel als he(m) tsijne(n) income(n) noch geleent ware(n)/ En(de) alle dese vorwerde(n) roel(ants) lyntre ja(nuarii) ix