Cont zij eene(n) yegelike(n) dat henric de beer van holsbeke in p(rese)ncia/ heeft genome(n) ende bekent dat hij genome(n) heeft van pete(re)n rogge/ sone wijlen geldolfs rogge sijn hof geheete(n) ter elst geleg(en) te/ heverle mette(n) huysen hoven wynnende landen beemden eeusele(n)/ en(de) ande(re)n zijne(n) toebehoirte(n) uutgenome(n) den wijngaert den boeg(ar)t/ mette(n) bachuyse daer op staende de halve schue(r) tduyfhuys/ dwijnhuys den doorkelde(r) en(de) den zolde(r) bove(n) den nede(re)n/ en(de) alle de wate(re)n en(de) vischgrechte(n) aalo(m)me tvoirsc(reven) hof gaende/ dwelck de voirs(creven) peter te hemwerts behoude(n) sal Te/ houden te hebben en(de) te wynne(n) van halfmerte naestcomen(de)/ eene(n) t(er)mijn van sesse [xii] jae(re)n v(er)volgende elx jairs o(m)me/ de helicht van allen den vruchte(n) jairlijcx dair op wassen(de)/ It(em) is vorwerde dat de wyn hebben sal den ouden boegaert/ acht(er) de sceperie mette(n) oefte sonder pet(er)s wed(er)seggen ten wae(re)/ eene(n) corf perien It(em) is voirt vorwerde dat de voirs(creven) pet(er)/ hebben sal half tsteen oeft omtrent den hove wassende It(em)/ sal de wyn hebben alle de beemde des voirs(creven) peters mette(n)/ buten beemde(n) dieme(n) aldair houdt o(m)me en(de) voe(r) xiiii/ croene(n) te xxiiii stuv(er)s stuck oft de werde tsinte mertens/ misse alle jae(re) te betalen(e) quolib(et) ass(ecutu)[m] It(em) sal de voirs(creven)/ wyn de voirs(creven) lande wel wynne(n) werve(n) en(de) mesten slants/ meesten p(ro)fijte het zij te sesse jae(re)n oft te drie jae(re)n nae/ dat lant meest te doen sal hebben en(de) dmest niet te/ lange laten inde messie liggen alsoe verre alse dmest strect/ van zijne(n) stroe jairlijcx comen(de) It(em) sal de voirs(creven) wynne den/ dwynt(er) coren jairlijcx sayen op zijn vier getidege voe(re)n en(de)/ de gherste op drie voren de even(en) op ii vore(n) en(de) ten lesten/ jae(re) de storte ende de brake eens o(m)me gdoen It(em) sal de voirs(creven)/ pet(er) hebben dbachuys metten boegaerde sonder wed(er)seggen vand(en)/ wyn mette(n) appele(n) en(de) oefte maer de wyn sal zijn gerief hebben bynne(n) de(n) bachuyse/ It(em) de vors(creven) wyn moet pete(re)n leve(re)n alle jae(re) i duysent wijngart stake(n) en(de) vi vued(er) mest op sijne(n) wijng(ar)t t(er) elst/ Ite(m) sal de wyn pete(re)n noch geve(n) eens l thuynstake(n) en(de) also vele terco als hij d(air) toe behoeve(n) sal eens zijne(n) vrede v(er)maect/ heeft Ite(m) de wijn moet pete(re)n leve(re)n alle jae(re) xxviii ma(n)dele(re)n walms en(de) so[et] wa(n)ner men dan den [werct] van oude(n) wercke aende huyse/ in wat wercke dat zij sal pet(er) de dachue(re)n betale(n) ende wyn de d montcost geve(n) It(em) sal de wyn des vors(creven) pet(er)s derssche(r) oic/ de(n) cost geve(n) Ite(m) de wyn moet de huysinge houde(n) va(n)de und(er)ster rikele(n) ned(er)wert op sijne(n) cost Ite(m) de vors(creven) pet(er) mach doen/ snijden opde willigen wijden tot zijne(n) wijng(ar)de theene en(de) dacroede(n) totte(n) vors(creven) huysinge en(de) de wyn sal pete(re)n geve(n)/ walm om zijn wijng(ar)de mede te bynden Item de vors(creven) pet(er) sal behouden thoofhuys mette(n) stelleken d(air) aen staende/ en(de) dwynhuys en(de) de(n) doerkeld(er) e(n)en den solder bove(n) de(n) neren en(de) de halve schuere sond(er) wedersegghen [vanden] wynne/ Ite(m) tghene dat de werclude behoeve(n) totten huysinge(n) dat moet de vors(creven) wyn halen
//
bynne(n) den bachuyse It(em) noch es vorwerde dat de voirs(creven) peter/ de thuyne(n) [en(de) de] grechte(n) inde beemde en(de) omtrint den hove ruyme(n)/ en(de) vegen sal tussche(n) dit en(de) half mey naestcomen(de) wel ende/ loflijc en(de) alsoe salse de wynne jairlijcx houde(n) zijne(n) t(er)mijn due(re)nde/ en(de) ten lanxte(n) afscheide(n) van zijne(n) tijde oft ten lanxte(n) te meye/ daer nae wel en(de) loflijc geruymt en(de) v(er)maect late(n) It(em) es/ vorwerde dat de voirs(creven) wyn de strate(n) en(de) de grebbe(n) houde(n)/ en(de) make(n) sal op zijne(n) cost alsoe waele bute(n) tijts als te/ tijde dair scade af come(n) mochte het zij met dijke oft/ anders It(em) is vorwerde dat de voirs(creven) pet(er) alle de wate(re)/ om tvoirs(creven) hof hebben sal en(de) de wyn sal de loemen/ slaen te wynt(er) drie werf des daighs It(em) is vorw(er)de/It(em) is vorwerde dat de voirs(creven) wyn pet(er) [dat de vors(creven) peter hebben sal] alle de wate(re)/ opgaende houdt en(de) alle herthoudt al waert getrunct/ soe waert steet omtrint den hove It(em) de voirs(creven) wyn sal tru(n)cke(n)/ alle de willige(n) en(de) popelere(n) so v(er)re sij getrunct gewest sijn en(de) vier jair out sijn te(n) wae(re) dat he(m) een luttel/ loecx gebrake en(de) [om] d(air) mede [te] v(er)maken en(de) [te] luyke(n) en(de) hij sal hebbe(n) alle de oude tuyne en(de) de droege willege(n) die/ d(air) vallen en(de) v(er)droege(n) zulle(n) mar des moet hij jairlix setten xl pote(n) opdat hijse d(air) gemake(n) can Ite(m) de wynne/ en mach gheen beesten scape noch vercken(e) laten gaen op tcoren d(air) zij e(n)nige scade doen mochte(n) noch/ vercken houde(n) sond(er) herdde It(em) de wynne en sal gheen scape mogen houden va(n) nieman(de) opdat pet(er) vors(creven) oft/ jan rogge zijn neve oft e(n)nich va(n) hen hem selve [willen] geven te houden Item de wynne vors(creven) en sal niet moge(n) te/ bossche varen noch ande(re) vrachten doen dair hij dlant mede mochte achte(re)n oft versueme(n) It(em) de wynne/ en sal niet mogen houden houwen opde vorrelen noch hagen tontijde en(de) altoes te tijde d(air)bij dat zij v(er)droege(n)/ mochten en(de) altoes te tijde Ite(m) de wyn sal de hagen stoppe(n) en(de) v(er)maken dairs te doene sal zijn Ite(m) de wyn/ en sal gheen stroes noch walm mogen v(er)copen noch ewech gheve(n) It(em) de wyn sal niet wair neme(n) ten/ viere van sijne(n) huysgesynne so dat dair gheene scade af en come Item soe wat va(n) de(n) goede(n) compt/ ter elst va(n) wijne van houte en(de) va(n) alle(n) ande(re)n saken moet de wyn pete(re)n te loven(en) leve(re)n Item de/ wynne moet pete(re)n alle jae(re) drie dage carweyen Item pet(er) vors(creven) sal mogen neme(n) op elc stuc toexste/ den yersten hoep oft den ande(re)n den welken hem best gelieft en(de) de wyn sal hem laten wete(n) wa(n)ner/ dat hij sal gaen bynden en(de) gebonden zijnde sal de vors(creven) pete(re)n tzijne tierst inde schue(re) vue(re)n/ Item es noch vorwerde dat de wynne tzijnen afscheiden sal moeten stroe te meste make(n) ende/ dan al uut vue(re)n slants meesten proffite en(de) daers meest te doene heeft Item es vorw(er)de/ als van raes vander lynden lande dair [af] pet(er) vors(creven) voir de dore staet in twee arde eene(n) art brake/ en(de) die sal hij eens mesten nu metten yersten en(de) die stortte en sal hij niet mesten en(de) dit en/ sal de wyn in(divisim) drie jair hebben en(de) ten eynde vand(en) drie jae(re)n sal de wyn moete(n) de stortte eens/ om doen en(de) de brake geheel laten Item heeft de vors(creven) wyn gelooft den voirs(creven) pete(re)n bynne(n) twee jae(re)n/ naestcomen(de) voir des vors(creven) es te setten als hijs vand(en) selven v(er)maent sal sijn goede loflic/ en(de) redelike borchtocht en(de) alle dese vorwerden (et)c(etera) hortbeke m(er)sberge nove(m)br(is) xv