Item bellen ghielijs woenen(de) tsinte remeys gheest en(de) amelrijc vanden/ berghe zijn zwagher in p(rese)ncia hebbe(n) genome(n) en(de) bekint dat zij genome(n)/ hebben van he(re)n arde va(n) kemexhe religieux vande(n) cloeste(r) va(n) s(in)te laureys/ buyte(n) der stad va(n) luydick alle de lande bempde(n) eeussele(n) thiende(n) cap(ellen) en(de)/ alle ande(re) goede de(r) voirs(creven) goidsh(uys) toebeh(oirende) inde(n) p(ro)chien va(n) ned(er)hespen en(de)/ va(n) goessenhove(n) oft d(air) omtrint gelegen te houde(n) te hante(re)n en(de) inne/ te heffen vand(er) maent van m(er)te lestleden eene(n) t(er)mijn va(n) xii jaren/ lang deen na dand(er) sond(er) middel volgen(de) elx jaers darenbi(n)ne(n) om/ hondert en(de) ii guld(en) pet(er)s mo(leva)[te] te xviii st(uvers) stuc nu gemeynlijc in/ borsen gaende te betale(n) deen helicht te lichtmisse en(de) dand(er) helicht/ tuytgang meye iiii l(i)b(ra) cusbers pep(er)s iiii l(i)b(ra) cusbers caneels en(de) iiii l(i)b(ra)
//
cusbers ghingeb(er)s te betale(n) jaerlijcx te bamisse en(de) al int voirs(creven) cloester/ te leveren de(n) voirs(creven) t(er)mijn dueren(de) quol(ibet) ass(ecutu)[m] It(em) sele(n) de voirs(creven) pechteners/ jaerlijcx betale(n) den chijs en(de) co(m)mer uut des voirs(creven) goidshuys goeden gaende/ sonder afslach der voirs(creven) so(m)me en(de) also in tijts dat de(n) voirs(creven) goidshuse d(air)/ af gheen schade en come It(em) selen de voirs(creven) pechten(er)s sculdich zijn/ de bueke en(de) rollen vanden voirs(creven) goeden eens binne(n) de(n) voirs(creven) t(er)mijne/ wel en(de) loflijc te v(er)nuwen op cost des voirs(creven) cloesters en(de) die nu d(air) af/ zijn sal hen tvoirs(creven) goidshuys leveren It(em) sele(n) de voirs(creven) pechten(er)s eens/ tsjaers gehoude(n) zijn den voirs(creven) abt en(de) zijn familie als zij de goede/ come(n) visite(re)n ete(n) en(de) drincken te gheven wel en(de) themelijc in allen/ na hue(re)n staet uutgesceyde(n) va(n) wijne It(em) want de goede voirs(creven)/ zeer qualic gewonne(n) en(de) geworve(n) liggen so es vorwerde dat/ tvoirs(creven) goidshuys dat de(n) voirs(creven) pachtenere(n) richte(n) sal en(de) hen goetdoen/ dat de goede argher zijn dan regenoete(n) en(de) d(air) op sele(n) de pechtene(re)n/ de goede wel en(de) loflijc wynne(n) en(de) voirtan werve(n) en(de) gewo(n)ne(n) ende/ geworve(n) late(n) als reengenote(n) te huere(n) afscheiden It(em) want de voirs(creven) pachten(er)s de(r) voirs(creven) goidsh(uyse) nu geleent hebben hondert pet(er)s eens/ ind(en) weerde(n) voirs(creben) so es vorwerde dat hen die te(n) leste(n) jare corte(n)/ selen It(em) oft de voirs(creven) pechten(er)s omdes voirs(creven) cloest(er)s goede oft sake(n)/ in e(n)nige(n) laste oft v(er)volge q(ua)me(n) en(de) zij nochta(n) dinhout va(n) desen hadde(n)/ voldaen alle(n) dien cost en(de) last sal hen tvoirs(creven) goidshuys oprichte(n) oft/ corte(n) aende voirs(creven) pechtinge In(de) su(n)t fid(eiussores) walterus witte(n) f(ilius) q(uon)da(m)/ will(el)mi (com)mor(ans) apud ned(er)wynde et will(el)mus vande(n) berge f(ilius) amelrici/ p(re)d(i)c(t)i p(ri)[(us)] ema(n)cipat(us) et duo p(ri)mi borchove(n) m(er)sberge oct(obris) xxiii