It(em) het es bevorwert oft de voirs(creven) wout(er) de(n) voirs(creven) jacoppe/ ende zijne(n) wive betaelt tussce(n) dit en(de) kersmisse naestcomen(de) xx/ rijd(er)s aut dat hij dan van e(n)niger lijftochten te betalen ongehou/ den zijn en(de) bliven sal de welke xx rijd(er)s gemaect en(de) genome(n)/ selen worden vande(n) goede(n) henrix wile(n) de grove bij de(n) voirs(creven)/ woutere(n) die d(air) toe met scepen(en) brieve(n) geleit is En(de) de selve/ wout(er) heeft gelooft de(n) voirs(creven) jacoppe en(de) zijne(n) wive mette(n) voirs(creven)/ beleyde ne(m)m(er)meer crot noch hynd(er) te doene jege(n) hue(r) kinsgedeelte/ behalve(n) dat alle wettige scout die henric wile(n) de grove sculdich/ bleef voir uut betaelt sal worden en(de) oec henricken de grove
//
des voirs(creven) wilen henricx sone xx rijd(er)s oft de weerde eer yema(n)t/ tot e(n)nig(en) deylinge(n) come(n) sal Ende midts desen bekinne(n) de voirs(creven) ge/ huysscen volcomelijc v(er)nuecht ende betaelt van alle tgene des hen/ bij de(n) voirs(creven) wilen henricken zijne(n) zweer en(de) woute(re)n voirs(creven) in/ huweliker vorwerden toegeseecht en(de) gelooft was cor(am) eisd(em)