SAL7349, Act: V°84.3 (213 of 698)
Search Act
previous | next
Act V°84.3  
Act
Date: 1455-10-15

Transcription

2019-12-18 by Walter De Smet
It(em) want jan p(er)eman p(ro)curator des goidsh(uys) va(n) sinte elisab(et) inde(n) berch van/
syon te bruessele van wege(n) des voirs(creven) goidsh(uys) hebben(de) volcome(n) p(ro)curacie/
gevo(n)nist heeft voir meye(r) en(de) scepen(en) va(n) loeven(e) zeke(re) scepen(en) brieve van/
loeven(e) spreken(de) vand(en) so(m)men van xx clincarde(n) lijftochte(n) staende te(n) live/
jouffr(ouwe) jehanne(n) van piet(er)she(m) natuerlike docht(er) jonch(e)r rogiers wile(n)/
va(n) piet(er)she(m) he(re)n van leefdale en(de) va(n) ymde no(n)ne des goidshuys/
voirs(creven) d(air) af de v na de doot d(er) selve(r) jouff(rouwe) blive(n) sele(n) erflijc d(er)e(n) voirs(creven)/
goidshuyse alle jae(re) te kersmisse te betale(n) en(de) inder stad wissel va(n) loeven(e)/
te levere(n) aen en(de) op alle de goede des voirs(creven) jonch(e)r rogiers also v(er)re/
die chijslijc oft in eyge(n)do(m)me gehoude(n) worde(n) in woeni(n)ge(n) huyse(n) hove(n)/
wynnen(de) lande bempde(n) eeussele(n) watere(n) wouwe(re)n bossche(n) chise rinte/
erfpachte en(de) alle(n) ande(re)n toebeh(oirten) in de p(ro)chie(n) va(n) leefdale va(n) ymde va(n)/
wolverthem va(n) woenssel bij eyndhove(n) en(de) soe waer die binne(n) brab(ant) gelege(n)/
zijn gelijc die goede come(n) zijn va(n) wege(n) des voirs(creven) jonch(e)r(e)n rogiers oft/
also v(er)re hij die in sijne(n) leven(e) v(er)crege(n) heeft en(de) niet voirde(r) Ende de/
voirs(creven) jan p(er)eman navolgen(de) de(n) vo(n)nisse voirs(creven) getoge(n) es met meye(r) en(de)/
scepen(en) van loeven(e) op de voirs(creven) ond(er)pande(n) aldair sij niet te pande(n) en/
vonden so zijn de(n) selve(n) janne p(er)ema(n) in name en(de) tot behoef des voirs(creven)/
goidsh(uys) de voirs(creven) onderpande gelev(er)t en(de) in hande(n) gesedt voirs sijn voirs(creven)/
gebreck met coste en(de) co(m)me(r) van rechte d(ai)r op geloepen cor(am) roelants/
borchove(n) octobris xv
ContributorsJan Boncquet
Moderated byGreet Stevens
Last update: 2014-09-30 by Jos Jonckheer